Qaı salalar ozyq shyqty?
Mınıstrlik málimetinshe, oń dınamıka birqatar baǵytta baıqaldy. Atap aıtqanda, metallýrgııa salasy 1,2% ósse, mashına jasaý óndirisi 12,9% artqan. Sondaı-aq hımııa ónerkásibi 9,8%, qurylys materıaldaryn óndirý 9,7%, al rezeńke men plastmassa buıymdaryn shyǵarý 7,6% ulǵaıǵan.
Byltyr mınıstrlik shamamen 1,5 trln teńge kólemindegi 190 óndiristik jobany iske qosyp, 22 myńnan astam turaqty jumys ornyn ashty. Budan bólek, 800-den astam kompanııa tirkelgen Qazaqstandyq taýar óndirýshiler tizilimi jasaqtaldy. Investısııalyq saıasat aıasynda úsh jańa arnaıy ekonomıkalyq aımaq qurylyp, iri jobalar boıynsha 13 kelisimge qol qoıyldy.
Qurylys salasynda rekordtyq kórsetkish
Esepti kezeńde qurylys salasy da oń nátıjelerge qol jetkizdi. Turǵyn úı qurylysy josparlanǵan deńgeıden asyp, jańa rekord ornatty. Jospardaǵy 19,2 mln sharshy metrdiń ornyna 20,1 mln sharshy metr turǵyn úı paıdalanýǵa berildi. Bul degenimiz – 185 myńnan astam baspana. Sonymen qatar salanyń turaqty damýyna negiz bolatyn jańa Qurylys kodeksi qabyldandy.
BAQ: Qazaqstan sırek kezdesetin mıneraldardy óńdeýde úsh jobany iske qosýǵa daıyndalýda
Geologııa men jer qoınaýyn paıdalaný: jańa kezeń
2025 jyly mıneraldyq-shıkizat bazasyn tolyqtyrý, jer qoınaýyn tıimdi ıgerý maqsatynda Jer qoınaýy jáne jer qoınaýyn paıdalaný týraly kodeks qabyldanyp, 17 jańa ken orny memlekettik esepke alyndy. Al 2026 jyly jańa býyndaǵy 1:50 000 masshtabtaǵy egjeı-tegjeıli kartalardy ázirleý sheńberinde el aýmaǵynyń 100 myń sharshy shaqyrymy zerttelmek. Keıin bul kórsetkish jyl saıyn qosymsha 30 myń sharshy shaqyrymǵa ulǵaıtylyp otyrady.
Memleket basshysy Úkimetke eldegi munaı óńdeý zaýyttaryn jedel jańǵyrtýdy tapsyrdy
