• 11 Mamyr, 2017

«Olar Otan úshin otqa tústi»

307 ret

kórsetildi

1 mın

oqý úshin

О́skemendegi Shyǵys Qazaqstan oblystyq sáýlet-etnografııalyq tabıǵı landshaft mýzeı-qoryǵynda Uly Jeńis merekesi qarsańynda osyndaı taqyrypta kórme ashyldy. Kórmeniń ereksheligi sol, munda soǵys ardagerleriniń tutynǵan zattary, qujattary men nagradalary qoıylǵan. Bul jerden keskilesken maıdan dalasynan joldanǵan jaýynger hattarymen qatar R.Ahmetovtiń áskerı bıletin, S.Qazbaevtyń qyzyl ásker kitapshasyn, D.Dosenkonyń gramotasyn kórýge bolady. Jaýyngerler soǵys ýaqytynda kúndelikti paıdalanǵan ydys-aıaq, maısham, fotoapparat sekildi dúnıeler de kórmeden oryn alǵan.

Egemen Qazaqstan

Atalǵan mýzeı-qoryqta «Tiri júrgenderińiz úshin rahmet» atty fotosýretter kórmesi de ótip jatyr. Kórmege Uly Otan soǵysyna qatysqan jáne búginde kózi tiri 64 óskemendik ardagerdiń portretteri qoıylǵan.

«Jyl ótken saıyn ardagerlerimizdiń qatary sırep barady. Biz bul kórmeni aldaǵy ýaqytta tolyǵa túsetin ekspozısııanyń alǵashqy bólimi dep esepteımiz. Soǵan oraı qandaı da bir sebeptermen osy ekspozısııanyń keıipkeri bola almaǵan ardagerlerdiń týǵan-týystaryna mýzeı-qoryqtyń Qaısenov kóshesi, 67 mekenjaıyndaǵy ǵımaratyna kelip, ardager týystarynyń sýretin ákelip berýlerin suraımyz. О́ıtkeni, keleshek urpaqtyń jarqyn ómiri úshin jan berip, jan alysqan árbir maıdanger atalǵan galereıaden laıyqty oryn alýy kerek», deıdi mýzeı-qoryqtyń qyzmetkeri Ǵafýra Sársenbaıqyzy.

Azamat QASYM,

«Egemen Qazaqstan»

О́SKEMEN

Sýretti túsirgen

Alekseı MAZNISIN