Bul týraly QazAqparat tilshisi habarlady. Atalǵan bastama Qazaqstanda alǵash ret qolǵa alynyp otyr.
Qaraǵandy oblysy ákiminiń orynbasary Jandos Ábishevtiń aıtýynsha, ortalyq ashylǵaly mamandardyń kómegine júgingen adam sany 60-qa jetken.
"О́tken jyly túrmeden shyqqan 132 adam orta bilim týraly attestatty aldy, taǵy 81 azamatqa negizgi bilimi bar degen kýálik berildi. 6 túzeý mekemesinde kásibı bilim berý toptary jasaqtaldy. Ol jerde 222 adam bilim alyp jatyr. Bıznesmender de ondaı adamdarǵa jumysqa turý úshin kvota bólip otyr. Osy ýaqytqa deıin 200 adam jumysqa turdy. Al bıznespen aınalysamyn deýshiler óz kásibin ashý úshin nesıe ala alady. Máselen, Osakarovka aýdanynyń bir turǵyny mal sharýashylyǵymen aınalysamyn dep, 3 mıllıon teńge kóleminde nesıe aldy", - deıdi Ábishev.
Bul bastamanyń tıimdiligin eskere otyryp, aldaǵy ýaqytta taǵy eki bólimsheni ashý josparlanyp otyr eken. Budan bólek, arnaıy jobanyń aıasynda zańgerlik kómek qana emes, qarjylaı qoldaý da jasalady. Ol úshin jergilikti bıýdjetten 22 mıllıon teńge bólingen.
