Márege jetti

Keshe Qazaqstan Táýelsizdiginiń 20 jyldyǵyna jáne  29 tamyz – ıadrolyq synaqqa qarsy qımyldyń  halyqaralyq kúnine oraı Bike for peace  Norvegııa qoǵamdyq uıymynyń Semeı – Almaty – Astana halyqaralyq velojúrisi  Astanaǵa taban tiredi. Soǵan oraı Báıterek kesheniniń túbinde ótken velotýrdyń jabylý rá­siminde atalmysh uıymnyń kóshbasshysy Tore Naerland, óziniń qa­zaqstandyqtardy qurmetteıtinin aıtyp, 24 kún ishinde búkil memleke­timizdiń biraz óńirin basyp ót­kenin, halqymyzdyń erekshe syı qur­metine tánti bolǵanyn tilge tıek etti. Sodan soń jınalǵandarǵa tórtkúl dúnıedegi 110 memleketti sharlaǵanyn jetkizip, dostyǵy jarasqan kóp ultty Qazaq­stannyń bereke-birligine rızaly­ǵyn bildirdi. Ol sonymen qatar Bike for peace uıymy adamzatqa qater tóndiretin qaterli qarýdy álemde birinshi bolyp joıýdy usynyp, ony sózben emes isimen dáıek­tegen Qazaq eliniń Prezıdentin jurt­shylyq Nobel syılyǵyna usynyp jatsa ózderiniń qoldaıtynyn atap aıtty. Osy velotýrdyń jabylý rásiminde «Iаdrolyq synaqtarǵa qarsy is-qımyldyń kúnine qaraı Qazaqstan Respýblıkasy Syrtqy ister mınıstrliginiń málimde­mesin» atalmysh vedomstvonyń resmı ókili Asqar Abdrahmanov oqyp berdi. Onda bylaı delingen: «Biz Iаdrolyq sy­naqtarǵa jappaı tyıym salý shartynyń (IаSJTSh) tezirek kúshine enýin qol­daımyz. Ol úshin Shartty ratıfıka­sııalamaǵan jáne oǵan qol qoımaǵan toǵyz eldi jaqyn arada tıisti qadam jasaýǵa shaqyramyz. Biz IаSJTSh-ny alapat qarýdy taratpaý isindegi eń tıimdi  jáne naqty quraldardyń biri dep bilemiz». Osydan 66 jyl buryn Hırosıma qalasynyń talqanyn shyǵarǵan sumdyqty endi boldyrmaýdy, beıbitshilikti ornyq­ty­rýdy maqsat etken norvegııalyq azamattar Semeıden Astanaǵa deıingi aralyqta velojúris arqyly 20 eldi mekende bo­lypty. Atap aıtqanda Shyǵys Qazaq­stan, Almaty, Jambyl, Qa­ra­ǵandy, Aqmola oblystarynyń aýma­ǵyn jáne Astana, Almaty qalalaryn qosqanda olar 2 383 shaqyrymdy artqa tastapty. Sóıtip, adamzattyń jarqyn bolashaǵy úshin beıbit sherýdi murat tutqan azamattar elordaǵa kelip, Báıterektiń túbinde Qazaq memleketine degen shynaıy yqylastaryn bildirip, Otanymyzdyń bolashaǵyna zor senimmen qaraıtyndyq­taryn atap aıtty. «Egemen-aqparat».