Konstıtýsııa jáne qaýipsizdik

Bul jóninde El­basy Nursultan Nazarbaev: «Ja­sampazdyqtyń jańyl­mas jarǵysy bolǵan Konstıtýsııa bizdiń barsha jarqyn isteri­mizdiń qaınar bastaýyna aı­naldy. Qas­terli qundyly­ǵy­myzdyń qaǵı­dattaryn bul­jytpaı oryndaýdyń nátıje­sinde biz qysqa merzimde myz­ǵymas memlekettigimizdi orna­typ, táýelsizdigimizdi tuǵyrly etik. Ata Zań táýelsizdigimiz ben tu­tastyǵymyzdyń kepili retinde biz­diń birligimizdi bekemdep, eldegi turaqtylyq pen tatýlyqtyń berik tutqasy boldy», dep atap ótýinde tereń mán-maǵyna jatyr. «Memlekettik bıliktiń bir­den-bir bastaýy – halyq» (3-bap) bolyp tabylatyndyǵy eshqandaı talas tý­dyr­maıtyn aqıqat. Elimizde ótkizilip jatqan ádil de erkin saılaýlar men referendýmdar osynyń birden-bir kepili.

Bul oraıda jaqynda ǵana bolyp ótken Parlament Senatynyń saı­la­ýyn­da da osy tujyrymnyń ómir­sheń­digine kóz jetti. Olaı bolsa halyqty ulyqtaý, olardyń maq­sat-múddesimen sanasý Negizgi Za­ńymyzdyń ózegi bolyp tabylady. Ata Zańda memlekettiń ult­tyq qaýipsizdigin qamtamasyz etý máse­le­leri de keńinen tujy­rymdalǵan. Bul oraıda ulttyq qaýip­sizdigimizdi qamtamasyz etý­diń keshendi júıesine kiretin UQK atqaratyn mindetteri men jaýapkershiliginiń arta túse­tindigi anyq.

Ata-babamyz ańsap ót­ken táýelsizdiktiń negizgi qaǵı­dalary: «Respýblıkanyń egemendigi onyń búkil aýmaǵyn qam­tıdy. Memleket óz aýmaǵynyń tutastyǵyn, qol suǵyl­maýyn jáne bólinbeýin qamtamasyz etedi» degen (2-bap) sóılemder kez kelgen azamattyń, memlekettik qyz­metkerdiń patrıottyq sezimin oıa­tatyndyǵy sózsiz. Sonaý Alataýdan Arqaǵa deıingi, Altaıdan Atyraýǵa deıingi qazaq dalasyn qorǵaý, on tórt myń shaqy­rymnan astam memlekettik shekara shebin myǵymdaý, bolashaq urpaqqa amanattaý isi osydan anyq kórinedi. Bul mańyzdy mindetti búgingi urpaq abyroımen júzege asyrýda. Al osynyń quramdas bóli­gi retinde jyl saıyn elordadaǵy táýelsizdik monýmenti túbinde áskerı pa­radtyń ótkizilýi – ulttyq rýhymyzdyń asqaqtaı túsken­diginiń belgisi.

Qaı kezde, qaı ǵasyrda qa­zaq halqy álemge pash etip, osyndaı mártebeli sherý ótkizip edi?! Bul degenimiz – el Prezı­dentiniń Qazaq­stan halqyna Joldaýyndaǵy uzaq merzimdi maqsattar men olardy iske asyrý strategııalaryndaǵy №1 basymdyq retinde atalǵan ulttyq qaýipsizdik ıdeıasynyń nyǵaıa túskendiginiń, aldaǵy kezde de damı beretindiginiń aıqyn dáleli.

Muhtar ANARBEK,  

UQK baspasóz qyzmeti bastyǵynyń orynbasary.