Úsharal meshiti qaıta jańǵyrtyldy

«Ejelgi Taraz eskertkishteri» qoryq-mýzeıiniń qaraýyndaǵy Jambyl oblysy Talas aýda­nyndaǵy tarıhı meshit – Úsh­aral meshiti tolyqtaı qaıta jańǵyr­týdan ótkizildi. Atalǵan meshit XVII ǵasyrdyń aıaǵyna qaraı Áýlıeata-Taraz jerine taban tiregen óz dáýiriniń zııaly qaýymy jer-jerde meshit, medreseler salý jumysyn qolǵa alsa kerek. Oǵan jergilikti azamattar aıanbaı, qoldan kelgen kómegin kórsetedi. Búginde Úsharal meshiti, Qara­qoja meshiti, Júnisbaı, Ábdi­qadyr, Námetbaı meshitteri atalatyn, áli de dindar qaýymǵa qyzmet etip kele jatqan tarıhı ǵımarattar – sol dáýirlerde boı kótergen qurylystar. Úsharal meshitiniń qurylysy 1900 jyly aıaqtalyp, paıda­lanýǵa beriledi. Jalpy, qurylys­tyń basy-qasynda bolyp, qurylys­shylar tartý, materıaldar daıyn­daý isimen sol kezdegi Úsharal, Toǵyzkent aımaqtarynyń ımamy bolǵan Abdýlla Ishan degen dindar adam aınalysady. Terrakot qyshtar men basqa da materıaldar jergilikti jerde daıyndalǵan. Sońǵy márte 2003 jyly «Má­denı mura» baǵdarlamasy aıasynda «Kazrestavrasııa» mamandary, respýblıkalyq QazNIPI ǵylymı-zertteý ınstıtýtynyń joba­laýymen atalǵan tarıhı murany qaıta jańǵyrtý jumys­taryn júrgizdi. Al, bıylǵy jyly tarıhı muraǵa qaıta jańǵyrtý jumys­tary júrgizilip, jergilikti qaýymnyń ıgiligine paıdalanýǵa berildi. Búginde atalǵan tarıhı meshit tarıhı-mádenı mura ǵana emes, aýyl turǵyndarynyń ıman­dylyq, izgilik úıine aınalǵan.