Syr eli jurtshylyǵy rızashylyǵyn bildiredi

Memleket basshysy Nursultan Nazarbaevtyń atyna el Táýelsizdiginiń 25 jyldyq mereıtoıyna oraı Qyzylorda oblysy jurtshylyǵy ókilderinen quttyqtaý hat kelip tústi, dep habarlady Prezıdenttiń baspasóz qyzmeti. Qyzylorda oblystyq qoǵamdyq keńesiniń músheleri, máslıhat depýtattary, oblystaǵy Qazaqstan halqy Assambleıasynyń músheleri, ardagerler keńesi, azamattyq qoǵam ınstıtýttary men jastar uıymdary atynan joldanǵan hatta táýelsizdiktiń shırek ǵasyrynda elimiz qol jetkizgen jetistikterdiń biri retinde Aral teńiziniń Qazaqstan aýmaǵyndaǵy bóliginiń qaıtadan sýǵa tolyp, tirshiliktiń oralǵany erekshe atap aıtylǵan. Sondaı-aq, hat ıeleri Aral óńiri halqynyń tynysy keńeıip, turmysy túzele bastaǵanyna nazar aýdarǵan. «О́zińiz bastap, iske asyrǵan Araldy qalpyna keltirý jobasynyń nátıjesinde ólgenimiz tirilip, óshkenimiz jandy. Oblys ydyrap, halqy bosyp ketýge az qalǵan kıeli aımaqty saqtap qaldyńyz. Ata qonys pen óz kásibine oralǵan bir qaýym el eńse kóterdi. Araldyń balyǵy ózińiz saldyrǵan jańa jolmen Eýropaǵa myń tonnalap eksportqa shyqty. Aýyl sharýashylyǵyna kórsetilgen kómektiń arqasynda malshylar mal basynan, kúrishshiler alqaptarynan jyldan jylǵa rekordtyq ósim men ónim alýda», – delingen hatta. Budan bólek, «Nurly jol» baǵdarlamasynyń arqasynda aımaqtaǵy qurylys qarqyny buryn-sońdy bolmaǵan deńgeıge kóterilgeni aıtylǵan. «Qalamyz qulpyryp, myńdaǵan otbasy jańa úıden baspana alyp jatyr. Tek ótken úsh jylda oblys ortalyǵynda 11 jańa shaǵyn aýdan boı kóterdi» dep jazady hat ıeleri. Qyzylordalyqtar osyndaı ıgi is-sharalar Táýelsizdiktiń 25 jyldyq mereıtoıyn shyn máninde eldik merekege aınaldyrýǵa septigin tıgizetinin senimmen atap ótken.