Bıyl Qostanaı oblysynda 24 oqýshy men jattyqtyrýshylar, ustazdar “Trıýmf» baıqaýynyń jeńimpazy atandy. Jeńimpazdardy quttyqtaý saltanatyna óńirden 150 úzdik oqýshylar men jas sportshylar shaqyryldy. Oblys ákimi Arhımed Muhambetov daryndy balalardyń el bolashaǵy ekenin aıtty.
«Memleket basshysy mamandandyrylǵan mektepterge kóp kóńil bóledi. Qazaqstanda mundaı 124 mektep bar, al bizdiń oblysta daryndy balalarǵa analǵan Y.Altynsaın atyndaǵy , «Ozat» mektepteri men Qazaq-túrik lıseıleri bilim beredi. 2014 jyly Elbasynyń bastamasymen Nazarbaev zııatkerlik mektebi ashyldy» dedi Arhımed Begejanuly.
О́tip bara atqan jyly qostanaılyq mektep túlekteri UBT boıynsha jaqsy kórsetkishterge qol jetkizip, 9-shy orynnan 4-shi orynǵa kóterildi. Qostanaılyq mektep oqýshylarynyń komandasy gýmanıtarlyq pánder boıynsha respýblıkalyq olımpıadada 2 oryn alsa, ǵylymı jobalar boıynsha 3 oryndy ıelendi. Mysaly, fızıka-matematıka lıseıiniń 10 synyp oqýshysy Gleb Pestresev – geografııadan respýblıkalyq baıqaý jeńimpazy, ólketaný baqyryby boıynsha respýblıkalyq baıqaý júldegeri. Ol úshin geografııa ǵylymy sheksiz, ony tek zertteı berý kerek.
Gleb bolashaqta kartograf bolyp, karta jasap, jerdiń modelin jasaýdy armandaıdy. Tek Gleb emes, ár daryndy balanyń maqsaty, jetken jetistigi kóńilderge sham jaqqandaı bolady.
Marapat saltanaty kezinde daryndy balalarǵa barynsha jaǵdaı jasaý qajettigi aıtyldy. «Bizde sport zaldary jetise bermeıdi, sondyqtan oıyn sportyna arnalǵan 1000 oryndyq úlken sport zal salý josparlanýda. Bul qymbatqa túsetin nysanda tek sport jarystary ǵana emes konsertter de ótetin bolady, ony sporttyq-mádenı nysan etemiz. Ony jyl táýliginde salyp bitiremiz» dedi oblys ák imi A.Muhambetov.
О́ńir basshysy munymen qatar, oblys ortalyǵynda olımpıadalyq standarttarǵa saı keletin uzyndyǵy 50 metrlik , 10 jolaqtyq, 500-700 kórermen sııatyn basseın salynatynyn da aıtty. Onyń quny 2 mıllıard teńgege túspek. Sonymen qatar aldaǵy jyldardyń josparynda Ivan Dychko atyndaǵy boks mektebi men fýtbol akademııasyn qurý bar.
Názıra Járimbetova
«Egemen Qazaqstan»
