Balandın: Eń myqty sportshy - Golovkın

Júzýden Olımpıada chempıony, jańajyldyq "Navstrechý mechte" komedııasyna túsken Dmıtrıı Balandın jyldy qorytyndylady. Vesti.kz saıtyna bergen suhbatynda, ol óziniń kelesi jylǵa josparlaryn bólisip, Qazaqstandaǵy eń myqty sportshynyń esimin jarııalady. "Meniń oıymsha, sońǵy ret túsken túsirilimnen keıin, maǵan basty róldi bere qoımas. Al, eger usynys túsip jatsa, men qýana kelisemin. Fılmde eń qıyn kez Dılnaz Ahmadıeva qatysqanda boldy (kúledi). О́zderińiz kórip, baǵasyn berersizder, meniń oıymsha, jaqsy shyqty", - dedi Balandın. Tilshiniń "Sizdi jıi tanyp, kóp mazalaıtyn shyǵar? Juldyz aýrýymen qalaı kúresesiz? degen suraqtaryna Balandın bylaı dep jaýap berdi: "Osy qazir ǵana lıftte kóterilip kele jatqanymyzda birneshe adam menimen amandasty. Kúnine 3-4 adam kelip avtograf alyp jatady. Kóbinese balalar, al balalarmen tildesken qyzyǵyraq. Maǵan týystarym, dostarym, jaqyndarym jerge túsýime kómek beredi. Eń bastysy qasyńdaǵy adamdardyń jaqsy bolýy, solardyń yqpalynan qarapaıym bola túsemin". Sońǵy kezderi Balandın men Nıjat Rahımovtyń ásker qatarynda boryshyn ótep júr degen málimetter taraǵan. Olar "Dınamoda" áskerı boryshyn óteıtin bolady. Olar mindettelgen keıbir sharalarǵa qatysyp, biraq barlyǵy sııaqty bir kazarmada ómir súrip emes, erkin tártipte bolady eken. "Olımpıada oıyndaryna óte kóp kúsh jumsalady, osydan keıin biraz ýaqyt demalý qajet. Alaıda qańtar aıynan bastap belsendi túrde jattyǵýlardy bastaımyn. Aqpan aıynda Ystyqkólge baryp daıyndalamyz. Tamyz aıynda ótetin álem chempıonatyna daıyndalamyn. Bıylǵy ótken jylǵa dán rızamyn", - dedi Olımpıada chempıony. Balandınniń aıtýynsha, Qazaqstandaǵy eń myqty sportshy ataǵy Gennadıı Golovkınge berilýi tıis. "Men oǵan osy ataqty jyl saıyn berer edim. Ol álemdik arenalardy baǵyndyryp júr. Men onyń jekpe-jekterin úzbeı kóremin, eń bastysy ol sharshy alańda ózin erkin ári laıyqty ustaıdy. Ol jyl sportshysy atanýǵa ábden laıyqty", - dedi ol.