Kýbalyq boksshy Golovkınmen jekpe-jekke shyqqysy keledi

Kýbalyq boksshy Erıslandı Laranyń (23-2-2, 13 KO) menedjeri kishi Lýıs de Kýbas qazaqstandyq Gennadıı Golovkınmen (36-0, 33 KO) jekpe-jek uıymdastyrýǵa qatysty pikirimen bólisti. Bul týraly sports.kz habarlady. «Buǵan deıin Erıslandı talaı myqty boksshylarmen judyryqtasqan, sáıkesinshe birinshi orta salmaqtaǵy úzdikterdiń biri retindegi mártebesin saqtap tur. Qazirgi ýaqytta óz dıvızıonyndaǵy úzdikterdiń biri. Búginde Iýrıı Formanmen kezdesýge daıyndyq júrgizip jatyrmyz. Al ary qaraı ne bolary ýaqyt óte kele belgili bolady. Tańdaý erki bizde bolsa buǵan deıin jeńilip kórmegen Demetrıýs Andrademen kezdesý uıymdastyrǵymyz keledi. Al reti kelip jatsa Gennadıı Golovkınmen de kelissózder júrgizip kóremiz. Jurt onymen eshkim jekpe-jekke shyqqysy kelmeıdi deıdi. Al biz qarjy máselesin retteı alsaq, kúsh synasýǵa qarsy emespiz. Lara álemdegi úzdik P4P boksshylarynyń biri. Golovkındi jeńýge shamasy jetedi degen senimdemin», – dedi Laranyń menedjeri.