1-bap. Qazaqstan Respýblıkasynyń myna zańnamalyq aktilerine ózgerister men tolyqtyrýlar engizilsin:
- 2014 jylǵy 4 shildedegi Qazaqstan Respýblıkasynyń Qylmystyq-prosestik kodeksine (Qazaqstan Respýblıkasy Parlamentiniń Jarshysy, 2014 j., № 15-I, 15-II, 88-qujat; № 19-I, 19-II, 96-qujat; № 21, 122-qujat; 2015 j., № 20-VII, 115-qujat; № 21-III, 137-qujat; № 22-V, 156-qujat; № 22-VI, 159-qujat; 2016 j., № 7-II, 55-qujat; № 8-II, 67-qujat; № 12, 87-qujat):
64-baptyń toǵyzynshy bóligi mynadaı mazmundaǵy 13-1) tarmaqpen tolyqtyrylsyn:
«13-1) ózine qatysty sotqa deıingi probasııany júrgizý úshin probasııa qyzmetine júginýge;».
- 2014 jylǵy 5 shildedegi Qazaqstan Respýblıkasynyń Qylmystyq-atqarý kodeksine (Qazaqstan Respýblıkasy Parlamentiniń Jarshysy, 2014 j., № 17, 91-qujat; № 19-I, 19-II, 96-qujat; № 21, 122-qujat; № 22, 131-qujat; 2015 j., № 7, 33-qujat; № 20-IV, 113-qujat; № 22-III, 149-qujat; № 23-II, 170-qujat; 2016 j., № 8-II, 67-qujat):
1) 3-baptyń 7), 8) jáne 9) tarmaqshalary mynadaı redaksııada jazylsyn:
«7) probasııa – sanattary zańmen aıqyndalǵan adamdardyń qylmystyq quqyq buzýshylyqtar jasaýynyń aldyn alý úshin olardyń minez-qulqyn túzeýge baǵyttalǵan baqylaý jáne áleýmettik-quqyqtyq sıpattaǵy qyzmet túrleri men jeke aıqyndalatyn sharalar júıesi;
8) probasııa qyzmeti – qylmystyq jazalardyń qoǵamnan oqshaýlamaı oryndalýyn qamtamasyz etý, sondaı-aq probasııany uıymdastyrý jáne onyń jumys isteýi jónindegi atqarýshylyq jáne ókimdik fýnksııalardy júzege asyratyn qylmystyq-atqarý (penıtensıarlyq) júıesiniń organy;
9) probasııalyq baqylaý – probasııa qyzmetiniń esebinde turatyn adamdardyń ózderine zańmen jáne sotpen júktelgen mindetterin oryndaýyna ýákiletti organdardyń baqylaýyn júzege asyrý jónindegi qyzmeti;»;
2) 20-baptyń birinshi bóligi mynadaı redaksııada jazylsyn:
«1. Probasııa qyzmeti:
1) bas bostandyǵyn shekteý túrindegi jazaǵa sottalǵan;
2) shartty túrde sottalǵan kámeletke tolmaǵan adamǵa qatysty probasııalyq baqylaýdy júzege asyrady.
Polısııa:
1) bas bostandyǵynan aıyrý túrindegi jazany óteýden shartty túrde merziminen buryn bosatylǵan;
2) Qazaqstan Respýblıkasy Qylmystyq kodeksiniń 84-baby birinshi bóliginiń 4) tarmaǵynda belgilengen, ózine sot tárbıelik yqpal etýdiń májbúrleý sharasyn taǵaıyndaǵan kámeletke tolmaǵan adamǵa qatysty probasııalyq baqylaýdy júzege asyrady.»;
3) 22-baptyń birinshi bóliginiń 4) jáne 5) tarmaqshalaryndaǵy «jáne ózge de» degen sózder alyp tastalsyn;
4) 166-baptyń birinshi bóligi mynadaı redaksııada jazylsyn:
«1. Mekeme ákimshiligi bas bostandyǵynan aıyrý merzimi aıaqtalǵanǵa deıin bir jyldan keshiktirmeı, sottalǵan adamnyń tańdaǵan turǵylyqty jeri boıynsha oblystyń, respýblıkalyq mańyzy bar qalanyń, astananyń, aýdannyń, oblystyq mańyzy bar qalanyń jergilikti atqarýshy organdaryn, ishki ister organdaryn jáne probasııa qyzmetin onyń aldaǵy ýaqytta bosatylatyny, onyń turǵyn úıiniń bar-joǵy, onyń eńbekke qabilettiligi jáne alǵan mamandyqtary týraly habardar etedi.
Mekeme ákimshiligi bul rette sottalǵan adamǵa bosatylǵannan keıin áleýmettik beıimdelý úshin qajetti áleýmettik-quqyqtyq kómektiń kólemi boıynsha jeke baǵdarlama jasaıdy, ol sottalǵan adamnyń tańdaǵan turǵylyqty jeri boıynsha probasııa qyzmetine joldanady.»;
5) 167-baptyń tórtinshi jáne besinshi bólikteri mynadaı redaksııada jazylsyn:
«4. Birinshi nemese ekinshi toptaǵy múgedekterdi, júkti áıelder men jas balalary bar áıelderdi, sondaı-aq kámeletke tolmaǵandardy bas bostandyǵynan aıyrý túrindegi jazany óteýden bosatý kezinde mekeme ákimshiligi olardyń jubaıyn (zaıybyn), týystaryn ne sottalǵan adamnyń ótinishinde kórsetilgen ózge de adamdardy, sondaı-aq sottalǵan adamnyń tańdaǵan turǵylyqty jeri boıynsha probasııa qyzmetin alty aı buryn habardar etedi.
- Mekemelerden bosatylatyn, densaýlyq jaǵdaıy boıynsha udaıy kútimge muqtaj adamdar, sondaı-aq on alty jasqa deıingi kámeletke tolmaǵandar turǵylyqty jerine jubaıynyń (zaıybynyń), týystarynyń nemese olardy alyp ketýge kelgen ózge de adamdardyń ne mekeme nemese sottalǵan adamnyń tańdaǵan turǵylyqty jeri boıynsha probasııa qyzmeti jumyskeriniń erip júrýimen jiberiledi.».
3. «Qazaqstan Respýblıkasynyń ishki ister organdary týraly» 2014 jylǵy 23 sáýirdegi Qazaqstan Respýblıkasynyń Zańyna (Qazaqstan Respýblıkasy Parlamentiniń Jarshysy, 2014 j., № 8, 48-qujat; № 16, 90-qujat; № 19-I, 19-II, 96-qujat; № 23, 143-qujat; 2015 j., № 1, 2-qujat; № 16, 79-qujat; № 21-I, 125-qujat; 2016 j., № 6, 45-qujat):
7-baptyń 4-tarmaǵy mynadaı redaksııada jazylsyn:
«4. Qylmystyq-atqarý júıesin vedomstvo, onyń aýmaqtyq organdary, probasııa qyzmeti jáne jazalardy oryndaıtyn mekemeler, ózge de vedomstvolyq baǵynysty uıymdar quraıdy.».
2-bap. Osy Zań alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Prezıdenti N.NAZARBAEV
Astana, Aqorda, 2016 jylǵy 30 jeltoqsan
№ 39-VI QRZ
