Qazaqstandaǵy kásiporyndar jumysshylaryna 150 mln. teńge qaryz

2017 jyldyń qańtarynda eńbek memlekettik ınspektorlary elimizdegi kásiporyndardyń jumysshylarǵa jalaqy bereshegi 200 mln. teńgeni quraǵandyǵyn anyqtady, dep habarlaıdy Eńbek jáne halyqty áleýmettik qorǵaý mınıstrligi. «Aǵymdaǵy jyldyń basynan beri eńbek memlekettik ınspektorlary 44 respýblıkalyq kásiporynyń 348 jumysshy aldyndaǵy bereshegi 200 mln. teńgeni quraǵandyǵyn anyqtady. Atalǵan kásiporyndardyń basshylyǵyna oryndaý úshin mindetti 40 uıǵarym tabys etildi jáne jalpy somasy 4 mln. teńgeni quraıtyn 20 aıyppul salyndy», - delingen habarlamada. Vedomstvonyń atap ótýinshe, qabyldanǵan sharalardyń nátıjesinde jumysshylar aldyndaǵy bereshektiń 50 mln. teńgesi ótelgen. «300-den astam jumysshynyń quqyǵy qorǵaldy. Onyń ishinde respýblıkalyq 3 kásiporynnyń 158 jumysshysy aldyndaǵy 17 mln. teńge kólemindegi bereshegi tolyqtaı jabyldy. Olar: «SP Sareco» JShS 118 jumysshy aldyndaǵy 14,9 mln teńge (Aqmola oblysy), «Jambylgıps» JShS 23 jumysshy aldyndaǵy 1,1 mln teńge jáne «Jambylgıpsstroı» JShS 12 jumysshy aldyndaǵy 1 mln teńge», - delingen aqparatta.