Selfı sýǵa batyra jazdady

Qazir jastarǵa selfı jasaý taýsylmaıtyn qyzyq is kó­rinedi. Lısakov qalasynda 25 jastaǵy boıjetken jurtty qater­liligimen tańǵaldyratyn bir selfı jasamaq boldy. Ol bul úshin qala mańyndaǵy Qy­zyl­jar bógetin tańdaıdy ǵoı. Boıjetken alǵashqy selfıin jasap bola bergende, oıylyp ketken muzdyń astyna túsip kete­di. Aınaladaǵy balyq­shy­lar, kezekshilikte júrgen po­lı­seı­ler qyzdy kórgennen «ol jerge barma, muzy juqa» dep aı­qaılaı bergende, ol oıyqqa tú­sip te ketken edi. Áıteýir, aby­roı bolǵanda ony tájirıbeli balyqshylar men arnaıy kúzet qyzmeti basqarmasynyń bógetti baqylap júrgen qyzmetkerleri qutqaryp qaldy. – Bizdiń aıqaı salǵanymyz da sol edi, qyz muzǵa kúmp ber­di. Biz jetkenshe ol ózi qar­ma­­­­nyp muzdyń betine shyq­ty, sosyn jaǵaǵa tartyp aldyq. Dereý «Jedel jár­dem» men qutqa­rýshylardy shaqyr­dyq, – deıdi polısııa serjan­ty Vıa­cheslav Malıchev. Maman­dardyń aıtýynsha, kún qandaı sýyq bol­ǵanmen, bógettegi muz­dyń qalyń­dyǵy 4 santımetrden aspaıdy eken. О́ıtkeni, Joǵary Tobyl sý qoımasyna qańtar aıy­nyń aıaǵynan bastap sý túse bas­taıdy da, ol muzdyń astyn shaıyp jatady. Boıjetkendi qutqarǵannyń biri, polısııa serjanty Mádı Balabıevtiń bóget selfı jasaıtyn oryn emes, onyń qaýipti ekenin osynda qydyrýǵa kelgen jastarǵa túsindirýden ja­lyqpaıtynyn aıtty. Biraq qyzyqqa umtylǵan jastar mundaı eskertpeni júre tyńdaıdy. Boıjetkenniń telefony sel­fıimen birge muzdyń astynda qaldy. Ol jaqynda ǵana telefonnyń nesıesin tólep bitirgen eken. Bir ajaldan áýpirimmen aman qalǵan boıjetken endi bógetke kelmeıtindeı, selfı jasamastaı boldy. Osy oqı­ǵadan keıin selfıge qushtarlar ony muz astynda «jasamaýy» úshin tıisti oryndar bógettiń osy qaýipti aýmaǵyn qorshap qoıdy. Názıra JÁRIMBETOVA,«Egemen Qazaqstan» Qostanaı oblysy, Lısakov qalasy