Aýyl sharýashylyǵy jerlerin QR azamattaryna jalǵa berý ashyq júrgiziledi jáne barynsha baqylaýda bolady. Bul týraly QR-nyń zańnamalyq aktilerine jer qatynastaryn retteý máseleleri boıynsha ózgerister men tolyqtyrýlar qarastyrylǵan QR Úkimeti otyrysynda málim boldy
QR aýyl sharýashylyǵy vıse-mınıstri E. Nysanbaev 2015 jylǵy qarashada qabyldanǵan Jer kodeksiniń normalary boıynsha týyndaǵan qoǵamdyq rezonansqa baılanysty Jer reformasy jónindegi komıssııanyń qurylǵanyn eske saldy. Komıssııa elimizdiń óńirlerinde birqatar otyrystar ótkizdi. Sonymen birge, halyqty jer zańnamasynyń normalaryn túsindirýmen keńinen qamtý jáne usynystar jınaý maqsatynda 16 Call-ortalyq jáne «
jerturaly.kz» saıty quryldy, oǵan jalpy 15 987 joldanym kelip tústi.
Usynystardyń negizinde Komıssııa Tujyrymdama men «Qazaqstan Respýblıkasynyń keıbir zańnamalyq aktilerine jer qatynastaryn retteý máseleleri boıynsha ózgerister men tolyqtyrýlar engizý týraly» Zań jobasyn ázirledi.
Barynsha ashyqtyq pen keńinen talqylaýdy qamtamasyz etý úshin Zań jobasy men onyń Tujyrymdamasy ashyq normatıvtik quqyqtyq aktiler portalynda, AShM resmı saıtynda, 12 buqaralyq aqparat quraldarynda jarııalandy. Budan ózge, mınıstrlik janyndaǵy Qoǵamdyq keńes otyrystarynda talqylaýlar jáne qoǵamnyń qatysýymen kópshilik talqylaýlar ótkizildi.
Osylaısha, qazaqstandyqtarǵa aýyl sharýashylyǵy jerlerin jalǵa berý ınstıtýtyn saqtaı otyryp, Zań jobasymen aýyl sharýashylyǵy jerlerin konkýrstyq negizde berýdiń jeke tártibin ornatý qarastyrylǵan. Kórsetilgen tártipke sáıkes, jerdi berý ákimdikpen bekitilgen konkýrsqa shyǵarylatyn jerlerdiń tizimi boıynsha júzege asyrylady.
Ony ótkizýdiń ashyqtyǵy úshin konkýrstyq komıssııanyń quramyna qoǵamdyq keńester men uıymdardyń ókilderi engiziledi.
Budan ózge, jarııalylyqty jáne onyń barlyq áleýetti qatysýshylarynyń konkýrsqa teń qoljetimdiligin qamtamasyz etý maqsatynda jańa tártip BAQ-ta jáne ákimdik pen AShM-niń resmı ınternet-resýrstarynda konkýrs ótkizý týraly keńinen habarlaýdy qarastyrady.
Konkýrsqa qatysý úshin qatysýshynyń konkýrsqa qatysý usynysyn berýi mindetti shart bolyp tabylatynyn aıta ketken jón. Onda aýyl sharýashylyǵy óndirisin júrgizýdiń bıznes jospary, sharýashylyq ishindegi jer qurylymy jobasyn qurý jáne ıgerý boıynsha, jergilikti turǵyndar úshin jumys oryndaryn qurý boıynsha, ındıkatıvti kórsetkishterdi oryndaý boıynsha mindettemeleri qamtylýy tıis.
Atalǵan talaptar beriletin jerlerdiń tıimdi ári utymdy paıdalanylýy maqsatynda qoıylady.
Beriletin aýyl sharýashylyǵy jerleriniń utymdy paıdalanylýyna baqylaýdy kúsheıtý maqsatynda zań jobasynda turaqty monıtorıng júrgizý qarastyrylǵan: jalǵa alǵan alǵashqy 5 jylda jyl saıyn, odan keıingi jyldary sýarylatyn shabyndyqtarda ár 3 jyl saıyn, qoldan sýarylmaǵan jerlerde - ár 5 jyl saıyn.
Aýyl sharýashylyǵy jerleriniń úlken aýqymynyń «bir qolǵa» berilýine jol bermeý maqsatynda aýyl sharýashylyǵy maqsatyndaǵy jer telimderiniń maksımaldy kólemin belgileý qarastyrylǵan. Olardy qazaqstandyqtar ár oblystyń ákimshilik aýdandary (qalalary) aýmaǵynda jalǵa alǵan bolýy múmkin.
Sonymen qatar, shekara syzyǵy men shekara mańy aımaǵynda ornalasqan jer telimderin sheteldikterge, azamattyǵy joq azamattarǵa t.b. berýge tyıym salý qarastyrylǵan.
Jeke qoldardaǵy maldy baǵý úshin jaıylymdyq jerlerdiń jetispeýshiligine qatysty máseleni sheshý úshin eldi mekenderdiń mańynda turǵyndardyń olardyń jeke qolyndaǵy maldy ustaý boıynsha qajettilikterin qanaǵattandyrý úshin jaıylymdar aýmaǵy aıqyndalatyn normalar qarastyrylǵan.
