Joldaýda Aýyl sharýashylyǵy mınıstrligine 6 mindet júkteldi

Elbasynyń bıylǵy Qazaqstan halqyna Joldaýynda Aýyl sharýashylyǵy mınıstrligi aldyna 6 mindet qoıyldy. Bul tapsyrmalardyń oryndalýy agrarlyq sektordyń el ekonomıkasynyń jańa qozǵaýshy kúshine aınalýyna múmkindik berýi tıis. Keshe Úkimet úıinde ótken baspasóz máslıhatynda aýyl sharýashylyǵy salasynda qolǵa alynatyn osy sharalar jaıynda aıtyldy. Baspasóz máslıhatyna Aýyl sharýashylyǵy birinshi vıse-mınıstri Qaırat Aıtý­ǵanov, Sý resýrstary jónin­degi komıtet tóraǵasy Islam Ábi­shev, Veterınarlyq baqy­laý jáne qadaǵalaý komı­teti tóraǵasynyń minde­tin at­qarýshy Tursyn Qabdol­danov, Strategııalyq josparlaý jáne taldaý departamenti dırektorynyń orynbasary Ásel Ramazanova qatysty. Q.Aıtýǵanovtyń málim­deý­inshe, Qazaqstanda agro­óner­kásiptik keshen elimizdiń jańa ekonomıkalyq qozǵaý­shy kúshine aınalýy úshin bir­qatar sharalardy iske asyrý josparlanǵan. Birinshiden, sýbsıdııa bólý qaǵıdalaryn qaıta qaraý jáne birtindep saqtandyrýǵa kóshý qajet. Jańa erejeler qazirgi ýa­qyt­ta ázirlenip jatyr. Ol jýyr­da qabyldanbaq. So­nyń nátıjesinde, tıimsiz sýb­sıdııalardyń 11 túri aly­nyp tastalady. Al odan únem­delgen qarajattyń kólemimen óndirýshilerdi memlekettik qoldaý sharalarymen qamtý 7,5 esege ulǵaıady. Sondaı-aq, kooperatıvter qurý baǵytynda da birqatar ma­ńyzdy jumystar qolǵa alyn­baq. Bul ekinshi baǵyt. Máse­len, bes jylda 500 myń jeke qo­salqy sharýashylyqtar men shaǵyn fermalardy kooperatıvterge biriktirý úshin barlyq jaǵdaı jasaý qajet. Qazirgi ýaqytta 154 kooperatıv qurylǵan, olardyń baza­synda 100-den astam sút qabyl­daý pýnkti men 7 myń otbasy­lyq mal bordaqylaý alańy uıym­dastyrylǵan. Aǵymdaǵy jyly qurylatyn kooperatıvter sany eki esege ulǵaıady. Úshinshiden, aýyl sharýa­shy­lyǵy ónimderin qaıta óńdeý deńgeıin arttyryp, saqtaý, ta­symaldaý jáne ótkizýdiń tıim­di júıesin qurý kerek. Qa­jetti ınfraqurylymdy qurý jónindegi jumystar bas­taldy, dedi vıse-mınıstr. Tórtinshiden, eńbek ónim­di­liginiń deńgeıin arttyryp, óndiristik shyǵyndardy azaıtý kerek. Bul turǵydan alǵanda vedomstvo tehnologııalardy jańǵyrtý men transfertteýge nazar aýdarmaq. О́tken jyly tıisti mamandar tartylǵan agrotehnologııalardyń arnaıy transfert ortalyǵy qurylǵan. Besinshisi, jerdi paıdalaný tıimdiligin arttyrý máselesi aıtyldy. Bul rette bes jyl ishinde sýarmaly jer kólemin 40 paıyzǵa ulǵaıtý kózdelip otyr. Osylaısha ony 2 mln gek­tar deńgeıine deıin jetkizý kerek. Aýyl sharýashylyǵy mınıstr­ligi 600 myń gektardan astam aýyl­sha­rýashylyq jerlerin aınalymǵa tartý jónindegi sharalardy iske asyrý jumystaryna kirisip ketti. Bul óz kezeginde sýarmaly jer kólemin de ulǵaıtýǵa múmkindik beredi. Nátıjesinde, aýylsharýashylyq ónimderi óndirisiniń deńgeıin arttyrýǵa jol ashylady. Al altynshysy, óndiriste su­ranysqa ıe bolatyn agrar­lyq-ǵylymı zertteýlerge ınvestısııalar kólemin ulǵaıtý jaıy. Vıse-mınıstrdiń málim­deýinshe, qazirgi tańda Almaty­daǵy Ulttyq agrarlyq ýnıversıtet pen Astanadaǵy Qazaq agro­tehnıkalyq ýnıversıteti baza­synda halyqaralyq deńgeı­degi eki agrarlyq ortalyqty qurý jumystary bastalǵan. Joldaýda sonymen qatar, 2021 jylǵa qaraı aýyl­sha­rýa­shylyq óndirisin ártarap­tandyrý arqyly azyq-túlik taýarlarynyń eksportyn 40 paıyzǵa ulǵaıtý tapsyrylǵany belgili. Bul baǵytta maqsatty ındıkatorlar anyqtalǵan, sony negizge ala otyryp, 2017 jyly eksportty 10 paıyzǵa ulǵaıtý kózdelýde. Dınara BITIKOVA, «Egemen Qazaqstan»