Foto: Strategııalyq josparlaý jáne reformalar agenttiginiń Ulttyq statıstıka bıýrosy (arhıv)
Qarjylandyrý sharttary naqty
Oblys ortalyqtarynda júzege asyrylatyn jobalar úshin nesıe somasy 3 mlrd teńgeden aspaýǵa tıis. Al monoqalalarda, shaǵyn qalalar men aýyldyq eldi mekenderde bul shek 1,5 mlrd teńge deńgeıinde belgilengen.
Sýbsıdııalanatyn syıaqy mólsherlemesi 10,75 % bolyp bekitildi. Investısııalyq maqsattarǵa beriletin nesıelerdi sýbsıdııalaý merzimi 5 jylǵa deıin, al aınalym qarajatyn tolyqtyrýǵa arnalǵan qarjylandyrý 3 jylǵa deıin qarastyrylǵan.
Sheteldik marketpleısterde saýda jasaý: el azamattary úshin ne ózgeredi?
Qarsy mindetteme – otandyq ónimge basymdyq
Memlekettik qoldaý tek qarjylaı jeńildikpen shektelmeıdi. Kásipkerlerge naqty qarsy mindettemeler júkteledi. Atap aıtqanda, qoldaý alǵan nysandar saýda sórelerinde otandyq taýar óndirýshilerdiń ónimin ornalastyrýǵa mindetti.
Azyq-túlikke jatpaıtyn taýarlar boıynsha otandyq ónimniń úlesi keminde 20%, al azyq-túlik taýarlary boıynsha 50%-dan tómen bolmaýy tıis. Onyń 30%-y qoldanystaǵy ishki saýda qaǵıdalary sheńberinde, qosymsha 20%-y memlekettik qoldaý tetikteri arqyly qamtamasyz etiledi.
Mınıstrlik otandyq óndirýshilerdiń naryqtaǵy úlesin arttyrýǵa baǵyttalǵan qosymsha ózgeristerdi de pysyqtap jatyr. Eger kásipker aınalym qarajatyn tolyqtyrýǵa qarjy alsa, ol tıisti tizilimge engizilgen otandyq óndirýshilerden taýar, shıkizat jáne materıaldar satyp alýǵa mindetteledi.
Sondaı-aq tirkelgenine 3 jyldan aspaǵan bastaýshy otandyq óndirýshilerdiń ónimin olardyń jazbasha ótinimi negizinde keminde 3 aı merzimge saýda alańdaryna tegin ornalastyrý talaby engiziledi.
Baǵany negizsiz ósirgen saýda oryndaryna 481 030 teńge aıyppul salyndy
Turaqtylyq pen ashyqtyq talap etiledi
Qoldaý alǵan kásipkerler úshin taǵy bir mańyzdy shart bar: sýbsıdııalaý nemese kepildendirý sharty jasalǵan kúnnen bastap 1 jyl ishinde jaldaý aqysynyń mólsherin ózgertýge tyıym salynady. Bul talap naryqtaǵy turaqtylyqty saqtaýǵa baǵyttalǵan.
Budan bólek, kásipkerlerge statgov.kz sıfrlyq júıesi arqyly Ulttyq statıstıka bıýrosyna eseptilikti ýaqtyly tapsyrý mindeti júkteledi.
Alibaba men Baidu aksııalary Qazaqstan qor bırjasynda saýdalanady
О́ńirlik saýdany jańǵyrtýǵa baǵyttalǵan qadam
Jalpy alǵanda, ótken jyly bólingen 4,3 mlrd teńge ishki saýda ınfraqurylymyn jańǵyrtýǵa, jańa formattaǵy nysandar ashýǵa jáne óńirlik kásipkerlikti jandandyrýǵa serpin berdi.
Memlekettik qoldaý tetikteri endi tek qarjylandyrý quraly emes, otandyq óndiristi qoldaýdyń jáne ishki naryqty nyǵaıtýdyń naqty tetigine aınalyp otyr.
