Basymdyqtar baıyptalǵan basqosý

Qazaqstan Respýblıkasy Parlament Májilisiniń depýtattary, «Nur Otan» partııasy fraksııasy músheleri Er­jan Qudaıbergen, Káribaı Musyrman, Baqtyqoja Izmu­ham­betov, Janat Jarasov, Ersultan Bekturǵanov, Muhtar Erman men Fahrıddın Qarataev aımaqtarǵa jumys sapary barysynda Shymkent qalasyndaǵy M.Áýezov atyndaǵy Ońtústik Qazaqstan memlekettik ýnıversıteti stýdentterimen jáne oqytýshylarymen kezdesti. Kezdesý Elbasynyń «Qa­zaq­stannyń Úshinshi jańǵy­rýy: jahandyq básekege qabi­let­ti­lik» atty halyqqa arna­ǵan Jol­daýy men saıası refor­ma­lar­dy nasıhattaý maqsa­tyn­da ót­kizildi. Oqý ordasyn­da­ǵy kez­desý barysynda El­basy Jol­­daýy jan-jaqty túsindi­rildi. Depýtat Ersultan Bek­tur­ǵanov Joldaýdaǵy negizgi basymdyqtar men berilgen tapsyrmalardy naqtylaı otyryp: «Elbasy Joldaýynda jańa talaptarǵa saı jańa kadrlardy daıarlaýǵa úlken kóńil bólingen. Búgingi tańda jumys berýshilerdiń tereń qısyndy oılaı alatyn, jańa bilimderdi qorytýǵa qabiletti mamandarǵa degen qajettiligi artqan. Biz sizderden jańa býyn tehnıkasy men tehnologııalaryn jasaýǵa, ǵylymı-zertteýler men ázirlemelerge kúsh jumsaıdy degen úmit artyp otyrmyz. Sondyqtan sizder tehnologııa, osy zamanǵa saı ıdeıalar, álemniń ǵylymı progress jańalyqtaryna kóńil bólýlerińiz kerek», – dep jastarǵa jol siltedi. Májilis depýtaty Káribaı Musyr­man elimizdegi saıası re­formanyń mańyz­dylyǵy týraly aıta kele: «Bılik tarmaqtary ara­synda ókilettikterdi qaı­ta bólý – eldi jańǵyrtýǵa baǵyt­­talǵan mańyzdy qadam. Bul reforma qazaqstandyq mem­le­kettilik pen demokratııany damytý jolynyń qısyndy jal­ǵasy bolyp, memlekettik bas­qarý júıesiniń jaqsarýyna oń áser etedi», – dep túsindirdi. Sonymen qatar, Májilis de­pýtattary jastardyń pat­rıo­­tızmine, úsh tildi jetik meńge­rýge asa mán beretindigi týra­ly aıtty. Kezdesý barysyn­da stýdent jastar halyq qalaý­lylaryna suraqtar qoıyp, tolyqqandy jaýaptar aldy. Baqtııar TAIJAN, «Egemen Qazaqstan» Ońtústik Qazaqstan oblysy