Básekege qabilettilikti arttyratyn qundy qujat

Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» atty bıylǵy Joldaýy men bılik tarmaqtary arasynda ókilettikterdi qaıta bólý máseleleri jónindegi Úndeýin túsindirý maqsatynda óńirge arnaıy kelgen Parlament Májilisi depýtattarynyń jurtshylyqpen kezdesýleri jalǵasyp jatyr. Parlament Májilisiniń depýtattary Ýálıhan Qaı­nazarov, Vasılıı Oleınık pen Amangeldi Dáýrenbaev О́skemen qalasynda birneshe kezdesý ótkizdi. «Densaýlyq saqtaý salasynyń mindetti áleýmettik medısınalyq saqtandyrý júıesine ótýi ekonomıkalyq turǵydan alǵanda medısınalyq mekemeniń jaǵdaıyna baılanysty bolmaq, – dedi Ýálıhan Qaınazarov «О́skemen tıtan-magnıı kombınaty» AQ jumyskerlerimen ótken kezdesýde. – Eger ekonomıka damıtyn bolsa, eldiń tabysy da artady. Sol arqyly medısınalyq saqtandyrý qoryna túsetin túsim kóbeıedi. Alaıda, azamattarǵa óziniń densaýlyǵy úshin birinshi kezekte jaýapkershilikti ózi alatynyn, sodan keıin ǵana dárigerler men memleket turatyndyǵyn jetkilikti túrde túsindirý qajet». Atalǵan úsh depýtat qala­daǵy №1 aýrýhanada óńirdiń den­­saýlyq saqtaý salasy qyz­metkerlerimen kezdesip, usynys-pikir­lerin tyńdady. «Elbasynyń bıylǵy Joldaýy – memle­ketimizdiń damyǵan 30 eliniń qataryna qosylýyna yqpal etip, ekonomıkamyzdyń báse­kege qabilettiligin art­ty­rýǵa, turǵyndardyń ómir sapasyn jaqsartýǵa baǵyttalǵan qundy qujat. Eń aldymen, Jol­daýdy iske asyratyn siz ben bizder ekenin esten shyǵar­maǵanymyz abzal», – dedi Vasılıı Oleınık. Halyq qalaýlylary Mem­leket basshysynyń bılik tar­­maqtaryn qaıta bólý jónin­degi Úndeýi Úkimet pen Par­la­menttiń jaýapkershiligin art­tyryp qana qoımaı, el damýyna tyń serpin beretinin de tilge tıek etti. Azamat QASYM, «Egemen Qazaqstan» О́SKEMEN