Hat tasyp sharshamaıdy

Qaıtqan qustan habar kútetin ýaqyt ótken. Ha­bar-oshardyń zamany dáýirlep tur. Ǵalamtorda aq­parat almasyp, jańa­lyqty jalpaq álemge ja­rııa­lap jatyrmyz. Desek te, qoljazba, úshbý hat, ga­zet-jýrnaldardyń or­ny bá­ribir bólek. Jýyrda «Qazposhta» aksıonerlik qoǵamynyń oblystyq fılıaly Jańa­arqa aýdandyq poshta baılanysy bólimine qos birdeı avtokólik syılady. Jaǵymdy jańalyqty Jańaarqa aýdany ákiminiń baspasóz qyzmeti habarlady. Jalpy «Qazposhta» aksıonerlik qoǵamynyń jumysyna aýyldaǵy aǵaıyn dán rıza. Zeınetaqysy zyr etip, keshikpeı kelip jatyr. Hat-habar, áleýmettik tólemder ýaqytyly tasymaldanyp, sapaly qyzmetten «Qazposhta» súrinip turǵan joq. Derekke súıensek, qos avtokóliktiń biri – qarajat tasýǵa, ekinshisi – poshta tasýǵa arnalǵan kólikter eken. Olar atalǵan aýdanǵa qarasty aýyldarmen qatar, Qarajal qalasy, Jáırem kentiniń turǵyndary úshin qyzmet etetin bolady. Qos kóliktiń kiltin «Qazposhta» aksıonerlik qoǵamy oblystyq fılıalynyń basshysy Janbota Bókenov tapsyrdy. Jańaarqa aýdanynyń poshta baılanysy bóliminiń basshysy Aıman Tájıtova oblystyq fılıaldyń bas­shylyǵyna alǵys aıtty. Mıras ASAN, «Egemen Qazaqstan» Qaraǵandy oblysy, Jańaarqa aýdany