Jumys saparyndaǵy jurtshylyqpen júzdesýler

Parlament Senatynyń depýtattary elimizdiń aımaqtaryna jumys saparlaryn odan ári jalǵastyrýda, dep habarlady osy palatanyń baspasóz qyzmeti. Senator S.Bekturǵanov Qos­tanaı oblystyq jáne qalalyq pro­kýratýrasynyń, tabıǵatty qorǵaý, áskerı jáne kólik sala­sy prokýratýralarynyń jeke quram­darymen kezdesti. Kez­desý bary­syn­da Prezıdent Jol­daýy­nyń ne­giz­gi erejeleri men kons­tıtý­sııa­­lyq reformalar jan-jaqty túsindirildi. Depýtat óz sózinde Memleket bas­­shysynyń bes basymdyǵyn iske asy­rý tetikteri týraly jan-jaq­ty aıta kelip, konstıtýsııalyq re­for­­ma­lar­dyń jekelegen ereje­le­ri bo­ıyn­sha pikir almasty, son­daı-aq, birqatar saýaldarǵa jaýap berdi. Quqyq qorǵaý organdarynyń qyzmetkerleri sot tóreligi men prokýratýra qyzmetin retteıtin zań erejelerin jetildirýdiń mańyz­dy ekenin atap ótti. «Prokýra­týra – zańdylyqtyń saq­talýyn qadaǵalaýdyń bıigi», – dedi ózi­niń sózinde S.Bekturǵanov. * * * Parlament Senatynyń depýtaty Dýlat Qusdáýletov О́skemen qalasynda birqatar kezdesýler ótkizdi. Senator Shyǵys Qazaqstan oblysy aktıviniń aldynda Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» Joldaýynyń negizgi erejelerin túsindirdi. D.Qusdáýletov Elbasy basta­ma­laryn iske asyrý barysyn­da aımaqty damytýdyń kórsetkish­terine basymdyq berý qajet ekenin atap ótti. Joldaýda ekonomıkany, onyń ishinde aýyl sharýashylyǵyn órkendetýge baǵyttalǵan sharalar kózdelip otyr. Ony ár azamatqa jetkizý qajet. Elimizdiń ekonomıkasynda shaǵyn jáne orta bıznestiń úle­sin 50 paıyzǵa deıin jetkizý jónindegi Elbasynyń alǵa qoıǵan mindeti týraly aıta kelip, depýtat jergi­likti basqarý organdary kásipker­lerge kómek kórsetýi, onyń ishinde sýbsıdııalar men nesıeler bólýde járdemdesýi tıis ekenin aıtty. Shyǵys Qazaqstan oblystyq ádilet departamentiniń qyzmetker­lerimen kezdesý barysynda Kons­­tıtýsııaǵa jáne birqatar zańna­ma­lyq aktilerge engiziletin túzetý­ler eg­jeı-tegjeıli talqylan­dy. Sena­tor ádilet organdary­nyń qyz­met­ker­­lerin osy mańyz­dy ózgeris­terge oraı halyq ara­syn­da tal­qy­laý­lar uıym­das­tyrý­ǵa, orta­lyq bılik or­gan­­da­ryna arnal­ǵan pikirler men usy­nys­tardy jı­naq­taý men ázir­leýge kómektesýge shaqyrdy. D.Qusdáýletov oblystyń sot atqarýshy palatasynda da boldy. * * * Parlament Senatynyń depýtaty Manap Kóbenov jumys babyndaǵy saparmen Pavlodar oblysyndaǵy Sharbaqty aýdanynda bolyp, máslıhat depýtattarymen, quqyq qorǵaý organdarynyń ókilderimen, memlekettik mekemeler men qoǵamdyq uıymdardyń basshylarymen jáne ardagerlermen kezdesti. Kezdesýdiń basty taqyryby Prezıdent N.Nazarbaevtyń «Qazaq­­stannyń Úshinshi ja­ń­ǵyrýy: jahandyq básekege qabi­let­tilik» Joldaýynan týyndaı­tyn basty mindetter boldy. Senator Prezıdent ókilettikterin qaıta bólý, Parlamenttiń mindet­terin keńeıtý jáne Úkimettiń zań shyǵa­rý organyna esep berýi sekil­di qoǵamda keńinen talqy­lanyp jatqan máselelerge oraı óz oıyn ortaǵa saldy. Sondaı-aq, ol ekonomıkany jedel jańǵyrtý jónindegi Elbasy alǵa qoıǵan mindetterge egjeı-tegjeıli toqtaldy. Onyń aıasynda sandyq tehnologııany qoldaný, ekonomıkanyń bazalyq salalaryn damytý jáne eńbek naryǵyn jańartýdy kózdeıtin úsh keshendi mindet júzege asatyn bolady. Depýtat kezdesý barysynda aýyl sharýashylyǵy koope­ra­tıvteriniń jumysy men tehnı­ka­lyq salanyń jas mamandaryn áleýmettik qoldaý sharalary týraly saýaldarǵa jaýap berdi. * * * Parlament Senatynyń depýtaty Rashıt Ákimov Aqmola oblysynda jumys saparymen bolyp, Selınograd aýdanyndaǵy №96 temir jol razezi mektebiniń, Tóńkeris aýylyndaǵy «Qadam NS» kásipornynyń ujymdarymen kezdesý ótkizdi. Júzdesýlerde Prezıdent N.Nazarbaevtyń konstıtýsııalyq re­for­ma jónindegi Úndeýi men bıyl­ǵy Joldaýynan týyndaıtyn min­detter jaıynda jan-jaq­ty áńgi­me boldy. Talqylaý barysyn­da El­ba­synyń jańa saıa­sı sheshim­deri, Kons­tıtýsııaǵa engiziletin ózge­ris­ter men tolyq­tyrý­lar, eli­miz­diń úshin­shi jań­ǵyrýy­na oraı alda­ǵy min­­det­ter, son­daı-aq, Negizgi Zań­daǵy 26-bap­qa baılanysty áńgime órbidi. Bılik tarmaqtary arasynda­ǵy ókilettikterdi qaıta bólý, Úkimet pen Parlamentke beriletin qosymsha quzyretter, jergilikti ózin ózi basqarýdaǵy jańa qadam­dar jan-jaqty talqyǵa tústi. Sondaı-aq, Elbasy Joldaýyn­da­ǵy sharýashylyqtardy irilen­dirý, kooperatıvter uıymdasty­rý, sýbsıdııa, jaıylymdar, sýarmaly jerler, zeınetaqy men járdemaqy máseleleri de jan-jaqty sóz etildi. Senator R.Ákimov konstıtý­sııa­lyq reformalar men Prezı­denttiń jańa Joldaýyndaǵy ba­sym­dyqtar týraly aıta kelip, «Qazaq­stannyń Úshinshi jańǵyrýy halqymyzdy jahandyq daǵdarys qıyndyqtarynan alyp shyǵatyn birden-bir jol» ekenin atap ótti. * * * Batys Qazaqstan oblysynda jumys saparymen júrgen Parlament Senaty Qarjy jáne bıýdjet komıtetiniń tóraǵasy Rashıt Ahmetov «Bolashaq-T» óndiristik-qurylys kompanııasynyń ujymymen kezdesti. Senator sharaǵa qatysýshy­lar­men konstıtýsııalyq reforma­lar­dyń mazmuny jaıly oı bóli­sip, Prezıdent N.Nazarbaevtyń «Qazaq­­stan­nyń Úshinshi jań­ǵy­rýy: ja­han­dyq básekege qabi­let­ti­lik» Jol­daýynyń negizgi ere­je­lerine toqtaldy. R.Ahmetov kompanııa keleshegi zor kásiporyndar qatarynda eke­nin aıta kelip, ekonomıkany ınno­vasııalyq turǵyda damytý jáne ju­my­spen qamtý máselelerin sheshý maqsattaryna jaýap bere­tinin atap ótti. Memleket basshysy Joldaýda atap ótkendeı, qoǵamdy jańǵyrtý jáne halyq ómi­rin jaqsartý jónindegi mindet­terdi tabysty iske asyrý úshin barlyq jaǵdaı jasalatyn bolady. Kásiporyn qyzmetkerleri Konstıtýsııaǵa ózgerister men tolyqtyrýlar engizý týraly zań jobasy men usynylǵan saıası reformalardy iske asyrýǵa óz úlesterin qosatynyn jetkizdi. * * * Senat depýtaty Nurlan Qylyshbaev aımaqqa jasaǵan jumys sapary barysynda Almaty oblysynyń Talǵar jáne Panfılov aýdandarynda boldy. Oblys aktıvimen jáne turǵyn­darymen kezdesýler barysyn­da bılik tarmaqtaryndaǵy ókilet­tikti qaıta bólý týraly Memleket basshysynyń Úndeýi egjeı-tegjeı­li talqylandy. Depýtat basqarý júıesin jańǵyrtýdaǵy Parlament palatalarynyń róline de toqtaldy. Turǵyndar Prezıdenttiń «Q­azaq­stannyń Úshinshi jań­ǵyrýy: jahan­dyq básekege qabi­let­tilik» Joldaýyn júzege asyrý­dyń naqty tetikteri týraly pikir alysty. Atap aıtqanda, aýyl tur­ǵyn­darymen kezdesýler ba­ry­synda agroónerkásip kásip­oryn­daryn sýbsıdııalaý máselesi kóterildi. Sharýa qoja­lyq­tarynyń basshylary qajet­ti sýb­sıdııalardy rásimdeý bary­syn­daǵy bıýrokratııalyq kedergilerdi joıyp, nesıe resýrstaryna qol jet­kizýge múmkindik týǵyzý qajet dep sanaıdy. «Prezıdent aýyl sharýa­shyly­ǵyn ekonomıkanyń jetekshi salasyna aınaldyrý mindetin qoıdy, – dep eske saldy N.Qylyshbaev. – Jol­daýda Úkimetke jáne ákim­der­ge sýbsıdııa bólý, ónim óńdeý­di jaqsartý, taýarlardy tıimdi saqtaý, tasymaldaý jáne satý qaǵı­dat­taryn qaıta qaraý másele­leri de bar».