Demokratııaǵa senimdi qadam basqan el

Sheteldik zańger retinde Pre­zı­dent N.Nazarbaevtyń saıası Úndeýi­men muqııat tanysyp shyqtym. Mun­daǵy basty maqsat – Prezıdenttiń qazirgi ókilettigi men quzyretine qatys­ty bı­lik tarmaqtaryn Úkimet pen Parla­mentke bólý kózdeledi. Osylaısha, zamanaýı tıimdiligi mol atqarýshy bılik qalyptastyrý arqyly eldi damýdyń joǵary deńgeıine jetkizý jos­parlanǵan. Demek, endigi jerde Prezı­dent­tiń bul jobasyn júzege asyrýda Qazaqstandaǵy barlyq saıası júıe men ıns­tıtýttar qazirgi qyzmettik qaǵıdattaryn kúrt ózgertip, zamannyń jańa talaptaryna saı beıimdelýi tıis. Úndeýdiń negizgi ózegi Prezı­denttiń ózinen bastap, Úkimet jáne onyń túrli vedomstvolyq meke­me­lerindegi áleýmettik, ekonomı­ka­lyq salalar arasyndaǵy bılik­ti bólý bolyp tabylady. Sony­men qatar, óńirlerdegi bılik­ti ákimdikter paıdasy úshin qaıta bólý de qarastyrylý ústinde. Jalpy, mundaı qadam arqyly bılik pen azamattyq qoǵam arasy jaqyndaı túsip ári jaýapkershilik te qaıta bólinedi dep kútilýde. Sondyqtan, bul reforma ózine tán erekshelikterimen halyqaralyq jarııa quqyq negizderi bolyp tabylady. Prezı­dent pen Parlament jáne Úkimet ara­syn­daǵy quzyrettilikti anyqtaý azamat­tyq qoǵam bıligin bólý erejesinde basymdyq sýbsıdıarlyq negizben júzege asyrylady. Endeshe, eldi damytý men memlekettik bas­qarý isinde jańa ádister engizý arqy­ly Qazaqstannyń Úshinshi jańǵyrýyna jete­leıtin bul qadam qoǵamdy demo­kra­tııa­ǵa jaqyndata túsedi deýge tolyq negiz bar. Joan Manýel TRAITER, Ispanııa Ortalyq saılaý komıssııasynyń múshesi,Jıron ýnıversıtetiniń jarııa quqyq kafedrasynyń professory