BUU EKSPO-2017 kórmesine qatysý týraly kelisimshartqa qol qoıdy

EKSPO-2017 kórmesiniń uıymdastyrýshy keńsesinde «Astana EKSPO-2017» ulttyq kompanııasy» AQ basqarma tóraǵasy Ahmetjan Esimov pen BUU Bas Komıssary, Eýropa men TMD elderi boıynsha О́ńirlik Bıýrosynyń dırektory Djıhan Sultanoglýdyń kezdesýi ótti, onyń barysynda BUU-nyń Kórmege qatysýy týraly kelisimshartqa qol qoıyldy, dep habarlaıdy primeminister.kz. Kezdesý barysynda taraptar EKSPO-2017-ge daıyndyq máselelerin talqylady. A. Esimov búgingi tańda 115 el men 18 halyqaralyq uıym kórmege qatysatyndyǵyn rastaǵandyǵy týraly málimdedi. 18 el pavılondaryn taqyryptyq bezendirýge kiristi. Jańartylǵan energııa kózderi salasynda BUU ekspozısııalary eń úzdik jobalar men jetistikterin kórsetetinine senimdilik bildirdi. О́z kezeginde, Sultanoglý hanym Qazaqstannyń Turaqty damý maqsattaryn ilgeriletýin, sondaı-aq, memlekettiń turaqty jáne rasıonaldy energııa salasynda yqpal etetin sharalar qoladanýy men kelisim júrgize alýyn kóshbasshylyqtyń belgisi retinde baǵalady.«Biz Prezıdent N. Nazarbaevtyń jasyl tehnologııalar ortalyǵyn ashý jaıly bastamasyn qoldaımyz. Sonymen qatar, osy jobaǵa óz kómegimizdi kórsetýge daıynbyz. Turaqty energııa taqyrybynda bul kórme Qazaqstan úshin taptyrmas múmkindik bolatynyna senimdimin. BUU óz úlesin qosýǵa daıyn», - dedi D. Sultanoglý. D. Sultanoglý EKSPO-2017-degi BUU-nyń Bas Komıssary retinde búkil BUU júıesiniń kórme jumysyna qatysýyn úılestiredi.