Jyldar jetistigin pash etti

4 qarasha kúni Taldyqorǵanda bastalǵan patrıottyq shara buǵan deıin elimizdiń basqa da óńirlerin aralap ótip, Pavlodarǵa da kelip jetti. Oblys ortalyǵynda osyndaı taqyrypta ótken sharaǵa jastar joǵary oqý oryndary men kolledj stýdentteri, jastar uıymdarynyń ókilderi, «Qazaqstan alıýmınııi» AQ pen Pavlodar munaı-hımııa zaýyty jáne basqa da óndiristik kásiporyndarda eńbek etip júrgen jumysshy jas­tar qatysty. Patrıottyq sharada sóz alǵan jergilikti QHA jastar qanatynyń kóshbasshysy, «Qoǵamdyq kelisim» respýblıkalyq memlekettik meke­mesiniń bas sarapshysy Maksım Spotkaı: «Estafetanyń basty sımvoly «Jastar jetistik­teriniń kitaby» jeltoqsan aıynyń basynda Memleket basshysyna tabys­talady. Al búgin estafetany qostanaılyqtardan pavlo­darlyqtar qabyldap aldy. Bul estelik, mereıtoılyq kitapqa bizdiń jastarymyz da ózderiniń jetistikterin jazýda», – dedi. Sonymen, Qazaqstan halqy Assambleıasynyń bastamasymen ótken bul sharanyń maqsaty – elimizdiń barlyq óńirlerindegi jastardyń táýelsizdik jylda­ryndaǵy jetistikterin pash etý jáne olardyń osy jyldar ishinde elimizdiń órkendeýine qos­qan úlesterin kórsetý. О́ńir­de jastardyń áleýmettik prob­lemalaryn sheshý, olardyń bas­tama­laryn qoldaý jáne jastar saıasatynyń ınstıtýttyǵyn nyǵaıtý, jumyssyzdyq deńgeıin tómendetý. – El Táýelsizdiginiń 25 jyl­dyǵy aıasynda ótkizilip otyrǵan patrıottyq sharanyń mańyzy da erekshe. Bizdiń jastar da óńirdiń áleýmettik-ekonomıkalyq damýyna úles qosýda. Olardyń arasynda úkimettik emes uıymdardyń kóshbasshylary, memlekettik qyzmetkerler, depýtattar bar. Oblystaǵy «Dıplommen – aýyl­ǵa!» baǵdarlamasy boıynsha 1042 jas aýylǵa baryp qyzmet isteýde,  800-ge jýyq jas shaǵyn bıznesin ashyp úlgerdi. Al «Qoljetimdi turǵyn úı-2020» baǵdarlamasy arqyly ótken jyly kóptegen jas otbasylary úıli boldy, – dedi jas­tar ortalyǵynyń basshysy Saıat Júsipbaev. – Bizdiń elimiz turaqtylyq pen beıbitshilikte ómir súrýde. Ártúrli ult ókilderi osy eldiń órkendeýi úshin úles qosýda. Dostyq, birlik bar jerde bereke, baılyq, qýanysh bar. О́ńirdegi Assambleıa janynan 15 etnostyq jastar birlestikteri qurylǵan, – dedi oblystyq Assambleıa ja­nyndaǵy jastar birlestigi keńe­siniń basqarýshysy Elına Paýlı. Táýelsizdikke qol jetken jyldary týǵan bul ul-qyzdar – búgingi erkin eldiń erteńi. Bul shara – stýdentter, jumysshylar, aýyl jas­taryna, basqa da jastarǵa úlgi. Farıda BYQAI, «Egemen Qazaqstan» PAVLODAR Sýretti túsirgen Maqsat AITBAI