Keń qoldaý kórsetildi

Aqtóbe qalasynda el Táýel­sizdiginiń 25 jyldyǵy qarsa­ńynda dástúrli «Jastar» baly ótti. Saltanatty sharaǵa mekeme basshylary, mýzykant, skrıpkashy Marat Bısenǵalıev, qazaq estradasynyń juldyzdary, telejúrgizýshiler men stýdent jas­tar qatysty. Shara barysynda tuńǵysh ret oblys ákiminiń 100 myń teńgelik «Jas Aqtóbe» oblystyq jastar syılyǵymen aqtóbelik 25 jas marapattaldy. «Jas Aqtóbe» ob­lystyq jastar syılyǵy bı­y­­l ǵana taǵaıyndaldy. Sony­men qatar, aımaq basshysy múm­kin­digi shekteýli daryndy 10 jas­ty 100 myń teńgelik ser­tı­fı­kattarmen marapattady. Sh­a­ranyń jyl saıynǵy uıymdastyrýshylarynyń biri – M.Ospanov atyndaǵy Batys Qazaqstan memlekettik medısına ýnıversıteti ákimshiligi tarapynan ata-anasynyń qamqor­lyǵynsyz qalǵan stýdentterge jalpy somasy 4 mıllıon teńge qarajat tabystaldy. – Elbasy Nursultan Nazarbaevtyń saıasaty men aı­qyn baǵytyn baǵdar etken bizdiń jalpyulttyq ıdeıamyz – Máńgilik Elge jetýde qoǵamnyń qozǵaýshy kúshi, egemen eldiń bolashaǵyn qalyptastyratyn erkin oı ıeleri – jastarǵa patrıottyq tárbıe berý. Qaı memlekettiń de bolashaǵy – jas­tar. Táýelsizdiktiń 25 jyly ishinde Memleket basshysynyń bastaýymen jastarǵa zor qol­daý kórsetilip keledi. Az ǵana ýa­qyttyń ishinde Qazaqstan dúnıe júzine belgili boldy. Eli­mizdegi barlyq memlekettik baǵdarlamalar Aqtóbe óńirinde de júzege asýda. Qazirgi tańda 30-ǵa jýyq úkimettik emes uıymdardyń usynysymen 100-ge tarta saıası-áleýmettik jobalar iske qosyldy. Ásirese, jas mamandarǵa turǵyn úı berý, jumyspen qamtý syndy basqa da áleýmettik kómektermen qoldaýǵa tyrysamyz, – dedi oblys ákimi B.Saparbaev. Ol 1 jeltoqsan – Tuńǵysh Prezıdent kúnine oraı alǵash ret Astana qalasynda Elbasy Nursultan Nazarbaevtyń qaty­sýy­men ótetin respýblıkalyq jas­­tar forýmynyń delegattaryna sáttilik tiledi. Sharanyń sońy óner juldyzdarynyń ásem áni men jastardyń bı keshine jalǵasty. Satybaldy SÁÝIRBAI, «Egemen Qazaqstan» AQTО́BE