Kıikterdi zańsyz aýlaý tyıylmaı otyr

2010-2016 jyldary kıik atýdyń jáne olardyń múıizderin satýdyń 318 faktisi tirkeldi.  Bul týraly búgin QR Parlamenti Májilisinde ótip jatqan «О́simdikter men janýarlar dúnıesin qorǵaýdyń, ósimin molaıtýdyń jáne olardyń obektilerin ornyqty paıdalanýdyń ózekti máseleleri» taqyrybynda ótip jatqan «dóńgelek ústel» barysynda QR Aýyl sharýashylyǵy vıse-mınıstri Erlan Nysanbaev málim etti. «Jabaıy tuıaqty janýarlardyń sırek kezdesetin jáne joıylyp bara jatqan túrleri men kıikterdi saqtaý, olardyń sanyn qalpyna keltirý boıynsha jumystar júrgizilip jatyr. Alańdaýshylyq týǵyzatyn basty ańdardyń biri jabaıy dala antılopasynyń biregeı túri kıikter bolyp otyr. Bul janýarlardyń dúnıejúzilik taralymynyń 95 paıyzy  Qazaqstan aýmaǵynda mekendeıdi. Kıikterdi qorǵaýdyń nátıjesinde olardyń sany 21 myń bastan 295 myń basqa deıin kóbeıgen bolatyn. Biraq ókinishke oraı, 2015 jyly kıikter qyryldy. Ústimizdegi jyl esebi boıynsha, olardyń sany shamamen 108 myń bas. Qyrylý sebebi  juqpaly aýrý - pasterellez. Jappaı ólim-jitimge ushyraýdyń mundaı faktisi buryn da bolǵan», - dedi vıse-mınıstr. Onyń aıtýynsha, kıikter sanynyń azaıýyna brokenerliktiń de áseri bar. «2010-2016 jyldary kıik atýdyń jáne olardyń múıizderin satýdyń 318 faktisi tirkeldi. Jabaıy janýarlardyń sırek kezdesetin jáne joıylyp bara jatqan túrleri men kıikterdi qorǵaýmen «Ańshylyqzooónerkásip»  uıymy aınalysady. Monıtorıng uıymdastyrý jáne kıikterdi spýtnıktik radıomaıaktarmen tańbalaý paıdalanylady. Qorǵaý sharalaryn uıymdastyrý ınspektorlardyń kólikterinde ornatylǵan spýtnıktermen baqylanady. Qoldanylǵan sharalardyń nátıjesinde Jabaıy tuıaqty janýarlardyń sırek kezdesetin jáne joıylyp bara jatqan túrleri men kıikter sanynyń kóbeıip kele jatqany baıqalady», - dedi Nysanbaev.