Sport • Búgin, 09:07

Jarys kúndeligi

3 mın

oqý úshin

Erteń Ulanbatyrda dzıýdodan Grand Slam týrnıriniń tusaýy kesiledi. Bul – balýandarǵa Los-Andjeles Olımpıadasyna qatysýǵa múmkindik beretin alǵashqy lısenzııalyq jarys. Mońǵolııa astanasynan bastaý alatyn irikteý syny 2028 jyldyń 12 maýsymyna deıin sozylady. Erler básekesinde Aman Baqytjan, Maǵjan Shamshadın (60 kg), Nurqanat Serikbaev, Aqjigit Nasyr (66 kg), Eset Qýanov, Ańsarbek Ǵaınýllın (73 kg), Jalǵas Qaırolla, Asqar Narqulov (81 kg), Nurjan Bısenov, Aıbol Nysanaly (90 kg), Marat Baıqamurov (100 kg) tatamıge shyǵady. Áıelder saıy-synda Ǵalııa Tyńbaeva, Dıana Búrkeeva (48 kg), Arýjan Erejepova (52 kg), Dana Ábdirova, Dına Muhanbet (57 kg), Samalaı Erǵalıeva, Dámeli Asylhanova (63 kg), Kamıla Berliqash, Aqerke Ramazanovaǵa (+78 kg) senim artylyp otyr.

Ǵalym SÚLEIMEN

Fýtboldan elimiz Premer-lıgasynyń 17-týrynyń keıinge shegerilgen matchynda Almatynyń «Qaıraty» Petropavldyń «Qyzyljaryn» qabyldady. Kezdesýde Dastan Sátbaev almatylyq klýb sapynda sońǵy ret jasyl alańǵa shyqty. Odan keıin qazaqtyń asa daryndy aıaqdop sheberi Tumandy Albıon eline attanyp, Londonnyń «Chelsı» klýbynyń jeıdesin kıedi. Osyǵan oraı, báseke bastalmaı turyp, Ortalyq stadıonda Dastanmen qoshtasý rásimi uıymdastyryldy. Is-sharaǵa «Qaırat» klýbynyń prezıdenti Qaırat Boranbaev qatysty. Oıynnyń ózine keler bolsaq, alań ıeleri 3:0 esebimen jeńiske jetti. Eki gol soqqan Sátbaev Premer-lıgadaǵy mergender kóshin bastady. Bıylǵy maýsymda Dastan segiz márte nysanany dál kózdedi. Taǵy bir ret Ismaıl Bekbolat mergendik tanytty.

Fýtboldan bıylǵy maýsymdaǵy Eýrokýboktiń jerebesi tartyldy. ÝEFA Chempıondar lıgasynyń birinshi kezeńinde Almatynyń «Qaıraty» Chernogorııanyń «Sýteskasymen» saıysqa túsedi. Alǵashqy match Almatyda, qarymta kezdesý Nıkshıchte ótedi. Konferensııa lıgasynda «Astana» Albanııanyń «Dınamo Sıtı», Semeıdiń «Elimaıy» Albanııanyń «Alashkert» komandasymen kúsh synasady. Alǵashqy oıyndar 9 shildede, qarymta matchtar bir aptadan soń ótedi. Konferensııa lıgasynyń ekinshi kezeńinde «Tobyl» Lıtvanyń «Panevejıs» klýbymen kúsh synasady. Alǵashqy oıyn 23 maýsymda Baltyq jaǵalaýynda ótse, eki aptadan soń olar Qostanaıda qaıta jolyǵady.

«World Boxing» uıymynyń muryndyq bolýymen Qytaıdyń Gýıang qalasynda Álem kýboginiń kezeńdik saıysy ótip jatyr. Alǵashqy kúni Serik Temirjanov (60 kg) Denıs Brılden (Germanııa), Nurbek Oralbaı (90 kg) Kım Gıchheden (Ońtústik Koreıa), Sabyrjan Aqqalyqov (80 kg) Sıao Vannan (Qytaı), Dına Islambekova (+80 kg) Klıona Darsıden (Irlandııa), Aıbek Oralbaı (+90 kg) Nnadjaı Raıttan (AQSh) basym tústi. Natalıa Bogdanova (75 kg) Bao Szyıǵa (Qytaı) ese jiberdi. Ekinshi táýlikte Sanatáli Tóltaev (65 kg) Málik Hasanovty (Ázerbaıjan), Tımýr Nurseıitov (75 kg) Tadg O’Donnellıdi (Irlandııa), Nazym Qyzaıbaı (54 kg) Im E Djıdi (Ońtústik Koreıa), Laýra Esenkeldi (70 kg) Ýnıa Martınesti (Ispanııa) utty. Tımýr Qabdeshov (55 kg) Kelvı Trındadtan (Brazılııa), N.Oralbaı (90 kg) Turabek Habıbýllaevtan (О́zbekstan) jeńildi. Úshinshi kúni S.Temirjanov (60 kg) Salım Ellıs-Bege (AQSh), S.Aqqalyqov (80 kg) Javohır Ýmmatalıevke (О́zbekstan) jol berdi. Abylaıhan Júsipov (70 kg) Kaıan Reıesti (Brazılııa) qapy qaldyrdy.