«Bul rasymen de óte qyzyqty kezdesý bolmaq. Olar bir kezderi sparrıng ótkizgen. Bul joly sheshýshi sát sol sparrıngtegideı aıaqtalýy múmkin. Kópshiliktiń aıtýynsha, ol kezdesýdi esepke almaǵan jón. Sebebi, ol kezde «Kanelo» nemese Golovkın óz deńgeıinde judyryqtaspaǵan ári shyn myqtyny anyqtaý maqsatynda ótpegen bolýy Biraq ol jaıtty sol jerde bolǵandar ǵana biledi», deıdi Gallaher Boxing News basylymyna bergen suhbatynda.
Osyǵan deıin Djo Gallaher dál sol sparrıngtiń «Kaneloǵa» senimdilik beretinin aıtqan edi. Onyń aıtýynsha, kópshiligi meksıkalyq boksshynyń talantyn durys baǵalamaıdy. Aıta keterligi, ol ótken jyldyń qyrkúıeginde brıtandyq Lıam Smıtti Alvareske qarsy jekpe-jekke daıyndaǵan edi.
Eske sala ketsek, Alvares pen Golovkın arasyndaǵy sparrıng 2011 jyly mamyrda Kalıfornııadaǵy Big Bear jattyǵý zalynda ótken edi. Big Bear jattyǵý zaly – qazaqstandyq boksshynyń óz jekpe-jekterine daıyndyq júrgizetin ekinshi úıine aınalǵan. Ol kezde meksıkalyq 21 jasta edi.
Aısáýle SEZBEK
