Ramazan aıy qarsańynda osy qaıyrymydylyq aksııasynyń qorytyndylary shyǵaryldy. Osyǵan oraı Aqtóbe oblysy boıynsha ókil-ımam óńirdegi ortalyq «Nur Ǵasyr» meshitiniń bas ımamy Tólebı Ospan myna derekterdi alǵa tartty.
Qaıyrymdylyq isteri Qazaqstan musylmandary Dinı basqarmasy aýqymyna deıin kóterildi. Imandy is barysynda tasqyn sýdan zardap shekkenderge jamaǵat tarapynan segiz tonna azyq-túlik jáne 10 tonna kıim-keshek tapsyryldy. Jalpy sany 769 otbasyna kómek kórsetildi. Al shotqa jınalǵan qarajatqa bir otbasyna «Nur Aqtóbe» jańa qurylys aýdanynan eki bólmeli páter berildi. Onyń ishi turmysqa qajetti jıhazdarmen tolyqtaı jabdyqtalǵan. Páter kiltin turmysy tómen, óz kúshimen úı salyp alýǵa shamasy jetpeıtin otbasyǵa Aqtóbege kelgen saparynda Qazaqstan musylmandar Dinı basqarmasynyń tóraǵasy, Bas múftı Erjan qajy Malǵajyulynyń ózi tapsyrdy.
Temir Qusaıyn,
«Egemen Qazaqstan»
