Saltanatty sharaǵa ShYU bas hatshysy Rashıd Alımov qatysty. Ol shtab-páterdiń qonaqtaryna pavılonnyń qyzmeti týraly tolyǵyraq aqparat berip, ShYU óz tarıhynda alǵash ret halyqaralyq kórmeniń jumysyna qatysyp jatqanyn atap ótti.
Bas hatshy kórme jumysynyń bastalý merzimi ShYU-ǵa múshe-elderdiń basshylary keńesiniń otyrysymen tuspa-tus keletindigin atap ótti.
«Bolashaq energııasyna arnalǵan EXPO-nyń taqyryby ShYU «Shanhaı rýhy» energııasymen tutasyp tur», dep málimdedi Rashıd Alımov.
Sondaı-aq, dıplomat ShYU pavılonynyń jumysy barysynda Uıym qyzmetiniń túrli aspektilerine arnalǵan is-sharalar ótetindigin habarlady.
«Biz EXPO basshylyǵymen kórme aıasynda 27 tamyz «ShYU kúni» retinde atalyp ótetindigi jóninde kelisim jasadyq. Dál osy kúni Astanada ShYU halyqaralyq marafony ótedi, oǵan 5 myńnan astam adam qatysady dep kútilýde. Alda óte mańyzdy baǵdarlama tur, osyǵan oraı barshańyzdy Astanadaǵy ShYU pavılonyna shaqyramyn», dep túıindedi uıymnyń bas hatshysy.
