«Týǵan jer» baǵdarlamasy júzege asa bastady

Oqýshylar men olardyń ata-analary jəne ustazdar aldynda quttyqtaý sóz sóılegen oblys ákimi túlekterge durys tańdaý jasap, Elbasy Nursultan Nazarbaevtyń alǵa qoıyp otyrǵan mindetine saı, elimizdiń damýyna súbeli úles qosatyndyqtaryna senim bildirdi. Sondaı-aq, M.Myrzalın qoǵamdyq-mədenı jəne sporttyq sharalarǵa belsendi qatysyp júrgen ustazdar men oqýshylarǵa 500 dana EKSPO-2017 bıletin tapsyrdy.

Osy kúni Məlik Myrzalın Qosshy aýylynda jeke ınvestorlardyń qara­jatyna salynatyn jańa mekteptiń al­ǵashqy kirpishin qalaý rásimine de qatysty. «Aqmola oblysynda «Bolashaqqa baǵdar: rýhanı jańǵyrý» mindetterin júzege asyrý aıasynda zamanalyq bilim ordasynyń qurylysy bastaldy. Bul Elbasy Nursultan Ábishuly Nazarbaevtyń «Týǵan jer» baǵdarlamasynyń ómirsheń úrdis alyp jatqanynyń jarqyn kórinisi», deı kele aımaq basshysy memlekettik-jekemenshiktik áriptestiktiń jańa úlgileri árdaıym qoldaý tabatynyn atap ótti.

Merdiger «Qazyna-SR» JShS dırek­tory S.Mataıbaevtyń aıtýynsha, bıznestiń əleý­mettik jaýapkershiligi sheńberinde boı kóteretin bilim ordasy 200 oqýshyǵa ar­nalǵan. Ǵımaratta aǵylshyn tili tereń oqy­tylatyn 12 synyp pen múddeler  úıirme bólmeleri qarastyrylǵan. Jobanyń quny 350 mıllıon teńgeni qu­raıdy. Qu­ry­lys jumystary týra bir jyl ótken soń aıaq­ta­lyp, bilim ordasy paı­dalanýǵa beri­ledi dep josparlanyp otyr.

Jalpy, keń aýqymdy «Týǵan jer» baǵ­dar­lamasy 150-den astam is-sharany qam­tıtynyn atap kórsetkimiz keledi. Aqpa­rattyń qoljetimdiligin qamtamasyz etý maqsatynda oblystaǵy tarıhı-máde­nı jádigerler, týrızm nysandary, ta­bıǵı qoryqtar tizimin biriktiretin tanym­dyq ınternet portal qurý mindeti de qaras­ty­ryl­ǵan.

Baqbergen AMALBEK,
jýrnalıst

Aqmola oblysy