Mıtıngke QR Memlekettik hatshysy G. Ábdiqalyqova, KHA Tóraǵasynyń orynbasary D. Myńbaı, oblys ákimi Q. Kósherbaev, birqatar zııaly qaýym ókilderi men Ońtústik Koreıa, Túrkııa elderinen kelgen ǵalymdar qatysty.
Mıtıngte sóz sóılegen Memlekettik hatshy G. Ábdiqalyqova 3 mln astam adamnyń saıası qýǵyn-súrgin jáne asharshylyqtyń qurbany bolǵanyn aıtyp, Memleket basshysy N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasyndaǵy «О́tken HH ǵasyr halqymyz úshin qasiretke toly, zobalań da zulmat ǵasyr boldy. Birinshiden, ulttyq damýdyń yqylym zamannan jalǵasyp kele jatqan ózimizge ǵana tán joly birjola kúıretilip, qoǵamdyq qurylymnyń bizge jat úlgisi eriksiz tańyldy. Ekinshiden, ultymyzǵa adam aıtqysyz demografııalyq soqqy jasaldy. Onyń jarasy bir ǵasyrdan beri áli jazylmaı keledi. Úshinshiden, qazaqtyń tili men mádenıeti qurdymǵa kete jazdady. Tórtinshiden, elimizdiń kóptegen óńirleri ekologııalyq apat aımaqtaryna aınaldy», degen sózderin atap kórsetti.
Shara barysynda sóz alǵan oblys ákimi Q. Kósherbaev: «HH ǵasyrdaǵy saıası qýǵyn-súrgin men asharshylyq – myńdaǵan jazyqsyz adamdardyń qany men kóziniń jasyna sýarylǵan tarıhymyzdyń sherli betteri. Bas qosyp, jıyn ótkizip turǵan osy tóbe – sol kezdegi qandy qyrǵynnyń kýási. Osy jerde qanshama ult zııalylardyń múrdesi jerlendi. Endeshe, bul jer – barlyǵymyz úshin taǵzym etip, bas ıetin kıeli oryn. Sondyqtan, qaıta jańǵyrtýdan ótkizip, búgin paıdalanýǵa berip otyrǵan eskertkish mańynda shaǵyn alleıa men arnaıy taǵzym etý oryndary qarastyryldy», dedi.
Aıta ketetin jaıt, eskertkish Qyzylorda qalasynyń Araı turǵyn aýdanynda ornalasqan. Qýǵyn-súrgin qurbandaryna arnalǵan eskertkishtiń qaıta jańǵyrtý jumystaryna oblystyq bıýdjetten 142 mln. 470 myń teńge bólindi. Bul joba sheńberinde shaǵyn alleıa men arnaıy taǵzym etetin oryndary salyndy. Jaryq shamdary ornatylyp, kespe tastar tóselgen. Qaıta jańǵyrtý jumystary «Tehosnastka-Remservıs» JShS-i arqyly júrgizildi.
