Saıası konsýltasııalar eki el arasyndaǵy dıplomatııalyq qatynastardyń 25 jyldyǵy aıasynda jáne ekijaqty yntymaqtastyqtyń mańyzdy oqıǵalary – Ispanııa basshylyǵynyń «EKSPO-2017» kórmesine qatysý maqsatyndaǵy saparlary qarsańynda ótkizildi.
Astanadaǵy kórmeniń taqyrybyn eskere otyryp, R. Vasılenko Ispanııanyń balamaly energetıka salasyndaǵy tabystaryn atap ótti.
Ispanııa – Qazaqstannyń Eýropadaǵy negizgi saıası áriptesteriniń biri jáne Qazaqstanmen Strategııalyq áriptestik týraly shartqa (2009 j.) qol qoıǵan ekinshi eýropalyq el. 2016 jyly taýar aınalymynyń kólemi 1,35 mlrd dollardy qurady.
Ekonomıka jáne ónerkásip salasyndaǵy yntymaqtastyq jónindegi Úkimetaralyq komıssııanyń jáne «Qazaqstan-Ispanııa» Iskerlik keńesiniń belsendi jumystary ekonomıkalyq jáne ınvestısııalyq ózara árekettestikti barynsha keńeıtýge yqpal etýde.
Taraptar saıası, ekonomıkalyq jáne mádenı-gýmanıtarlyq yntymaqtastyqtyń perspektıvalaryn talqyǵa salyp, túrli salalarda sharttyq-quqyqtyq bazany keńeıtý qajettigin belgilep aıtty.
Ispanııanyń Syrtqy ister jónindegi memlekettik hatshysy Qazaqstannyń syrtqy saıası bastamalaryn, eń aldymen BUU Qaýipsizdik Keńesi sheńberindegi bastamasyn quptady. Ispanııanyń halyqaralyq arenada elimizge odan ári qoldaý kórsetýge daıyndyǵyn bildirdi.
