Ken óndirý ornynda tótenshe jaǵdaı jarııalandy, jumysshylar qaýipsiz jerge jetkizilip, jumys ýaqytsha toqtatyldy. 31 mamyrda oblystyq ekologııa departamenti oqıǵa ornynda tekserý jumystaryn bastady.
«Teńizshevroıl» JShS osy jaǵdaı boıynsha brıfıng ótkizip, túsinik berdi. QR Energetıka mınıstrligi Ekologııany retteý jáne baqylaý komıteti tóraǵasynyń mindetin atqarýshy Azamat Álimbaevtyń aıtýynsha, ázirge atylǵan gaz kólemi belgisiz. Tekserý aıaqtalǵan soń gaz kólemin negizge alyp, shyǵyn anyqtalady. Al apattyń basty sebebi – elektr energııasynyń kenetten óshýi bolyp otyr. TShO-nyń óndiris boıynsha bas menedjeri Imır Bonner «Zaýyt aýmaǵynda aýaǵa taraǵan kúkirt aralas gaz zııandy emes» dep málimdedi. О́ndiris ornyndaǵy kúndelikti aýa tekseretin monıtorıng nátıjeleri gazdy qaýipsiz dep kórsetken. Alaıda, jergilikti ekolog mamandar sheteldik kompanııa ókiliniń bul jaýabyna kelispeıdi. «Qandaı gaz jaǵylsa da, aýaǵa tastalatyn lastaǵysh zattar zııansyz bolmaıdy»-deıdi oblystyq ekologııa departamentiniń basshysy Qabıjan Qapanov. Tekserýdiń naqty nátıjesi bir aıdan keıin belgili bolady.
Baqytgúl Babash,
«Egemen Qazaqstan».
Atyraý.
