Oqýshylardy árdaıym sabaqty jaqsy oqýǵa yntalandyryp, úzdik bolýǵa jigerlendirý maqsatynda uıymdastyrylǵan saltanatty jıynda «О́rleý» BAUO» aksıonerlik qoǵamy basqarma tóraıymy Gúlnas Ahmetova oqýshylardy aıtýly merekemen quttyqtap, táýelsiz eldiń erteńgi ıesi bolatyn jetkinshekterge túsinistik pen kelisim ornaǵan baqytty elde ómir súrip jatqandyǵynyń ózi baǵa jetpes baılyq ekendigin atap ótti. Sondaı-aq, «Nur Otan» partııasynyń tóraǵasy, Ult kóshbasshysy, Qazaqstannyń tuńǵysh Prezıdenti Nursultan Nazarbaevtyń erteńgi el tiregi bolatyn jetkinshekterdiń ómiri jarqyn, keleshegi kemel bolýy úshin barlyq jaǵdaıdy qarastyrǵan qamqorlyǵyna jan-jaqty toqtaldy.
№6 gımnazııanyń bastaýysh jáne orta býyn synybynda oqıtyn 30 oqýshy qatysqan merekelik jıynda úzdik oqýshylarǵa «Nur Otan» partııasynyń arnaıy syılyqtary berilip, búldirshinderdi qýanyshqa bóledi.
.jpg)
О́z kezeginde «О́rleý» BAUO» AQF Almaty qalasy boıynsha PQBAI dırektory Raısa Sádýaqasova da: «Sabaqty jaqsy oqý úshin senderge barlyq jaǵdaı jasalǵan. Sabaqty jaqsy oqyńdar. Bir-birińe meırimdilik pen qoldaý kórsetińizder», – degen izgi tilegin bildirip, jetkinshekterge jalaýshalar, teatrǵa bıletter men syılyqtar usyndy.
Almaty qalasy Áýezov aýdany «Nur Otan» partııasy fılıaly tóraǵasynyń birinshi orynbasary Murat Omarov saltanatty jıyn barysynda úlkenderdiń qamqorlyǵyn únemi qajet etetin balalarǵa erekshe kóńil bólýdi eske salatyn mańyzdy merekeniń qatysýshylaryn quttyqtap, partııa qyzmeti, Elbasynyń qoldaýymen óskeleń urpaqtyń oqyp, bilim alýyna jasalǵan erekshe qamqorlyǵyna jan-jaqty toqtaldy.
Jetkinshekter men olardyń ata-analary qym-qýyt sapyrylysqan jumysbastylyqqa qaramastan, balalar kúnine arnap osy sharany uıymdastyrǵan «О́rleý» BAUO» aksıonerlik qoǵamy basqarma basshylyǵyna, «О́rleý» BAUO» AQF Almaty qalasy boıynsha PQBAI ujymyna alǵys aıtyp, izgi tilekterin bildiristi.
Mıra Baıbek,
«Egemen Qazaqstan»
Almaty
