Búgin Astanada qala ákimdiginiń uıymdastyrýymen Open Air shoý-konserti ótip jatyr. Osy keshte óner kórsetken Qaırat Nurtas shyǵarmashylyqtaǵy sońǵy jańalyqtarymen bólisti. Ánshiniń aıtýynsha, qazir ol túsirip jatqan «Kelin» romantıkalyq kórkem fılminiń túsirilim jumystary aıaqtalyp qalǵan. Ánshiniń aıtýynsha, fılm kúzge salym kópshilik nazaryna usynylady. Fılm rejısseri Qaırat Nurtas kınoda fýtbolshy rólin somdap, ózin jańa qyrynan kórsetpek.
– Alǵa qoıǵan maqsattarym retimen oryndalyp jatyr. Kóptegen jańa ánder jazdyrdym. Kúzge qaraı jeke konsertimdi de ótkizbekpin, – deıdi Qaırat Nurtas.
Merekelik keshti tamashalaýǵa kelgen 50 myńǵa jýyq qala turǵyny men qonaqtardyń basy «Qazaq eli» monýmenti alańynda toǵysty. Alýan túrli shyǵarmashylyq top shoǵyrlanǵan konsertke Qaırat Nurtas, Glıýkoza, Tóreǵalı Tóreáli, MOT, Anna Semenovıch, Djıgan, Alekseev, «Vıntaj» sııaqty TMD elderiniń tanymal estrada ánshileri qatysyp, astanalyqtarǵa serpilis pen kóterińki kóńil-kúı syılady.
Aıa О́MIRTAI,
«Egemen Qazaqstan»
