Qyrǵyzstanda 17 jastaǵy qyzdy óltirgen kúdikti tergeý ızolıatorynda kóz jumdy

10 ret

kórsetildi

1 mın

oqý úshin

Bishkekte 17 jastaǵy Aısýlýýdy óltirdi degen kúdikke ilingen Qumarbek Abdyrov №1 tergeý ızolıatorynda óli tabyldy. Ol óz-ózine qol jumsaǵan. Bul aqparatty Memlekettik jazalardy oryndaý qyzmeti rastady, dep habarlaıdy Egemen.kz.

Baıan SÚLEIMENQYZY

Qyrǵyzstanda 17 jastaǵy qyzdy óltirgen kúdikti tergeý ızolıatorynda kóz jumdy

Foto: ashyq derekkóz

kaktus.media-nyń jazýynsha Abdyrov №21 kamerada óz shalbaryn torly esiktiń ishki bóligine baılap asylǵan. Alǵashqy medısınalyq kómek kórsetilgenine qaramastan, er adam oqıǵa ornynda qaıtys bolǵan. Tergeý-jedel toby men prokýratýra ókilderi oqıǵa ornynda jumys istep, sot-medısınalyq saraptamalar taǵaıyndaldy. Abdyrov 2025 jylǵy 17 jeltoqsanda ýaqytsha ustaý ızolıatorynan SIZO-1-ge aýystyrylǵan.

Synyptasyn óltirgen oqýshyǵa úkim shyqty

17 jastaǵy Aısýlýý 2025 jylǵy 27 qyrkúıekte Ystyqkól oblysy, Jeti-О́giz aýdanynda joǵalyp ketken. Sol kúni ol Barskoon aýylynan Jeńish aýylyndaǵy qurbysyna bara jatqan. Keıin beınebaqylaý kameralary qyzdyń Honda Stream kóligindegi er adammen birge otyrǵanyn jazyp alǵan. Tergeý nusqasy boıynsha, kúdikti qyzdy alma baǵyna aparyp, zorlyq áreketin jasap, keıin óltirgen. Onyń denesi Boom shatqalynan tabyldy.

Abdyrov alty áıelge shabýyl jasady degen kúdik bar, olardyń tórteýi qaza tapqan. Onyń ishinde 19 jastaǵy Kamıla Dúıshebaeva da bar. Quqyq qorǵaý organdary qurbandar sany budan da kóp bolýy múmkin ekenin joqqa shyǵarmaıdy.