Memorandým stýdentter arasynda dzıýdony damytý men keńinen nasıhattaýǵa baǵyttalǵan birlesken bastamalardy júzege asyrýdy kózdeıdi. Sonymen qatar qujat sporttyq ınfraqurylymdy jetildirýdi, sporttyq rezerv daıarlaýdy, dene shynyqtyrý jáne sport salasyndaǵy oqytýshylar men mamandardyń biliktiligin arttyrýdy qamtıdy.
Yntymaqtastyq aıasynda dzıýdo baǵdarlamalaryn joǵary oqý oryndary men kolledjderdiń bilim berý úderisine kezeń-kezeńimen engizý, jarystar uıymdastyrý, stýdenttik lıgalar qurý jáne sporttyq ınfraqurylymdy damytý josparlanyp otyr.
Bilim berý uıymdarynyń materıaldyq-tehnıkalyq bazasyn nyǵaıtýǵa, sporttyq qural-jabdyqtarmen, tatamımen jáne dzıýdomen aınalysýǵa arnalǵan arnaıy ekıpırovkamen qamtamasyz etýge erekshe nazar aýdarylady.
Baǵdarlamanyń operatory retinde Jenys International Sports Foundation qory aıqyndaldy. Qor jobany qarjylandyryp, ony iske asyrý jumystaryn úılestiredi.
Taraptar memorandýmdy iske asyrý buqaralyq sportty damytýdaǵy mańyzdy qadam bolatynyn jáne jastardy dzıýdomen aınalysýǵa ári salaýatty ómir saltyn ustanýǵa yntalandyratyn qosymsha múmkindikter qalyptastyratynyn atap ótti.
