Foto: Ashyq derekkóz
Polısııa qyzmetkerleri 104 qylmystyq isti aıaqtap, onyń 94-in sotqa joldady. Sonymen qatar 37 epızodtan turatyn kópepızodty qylmystyq is te sot qaraýyna jiberildi.
2025 jyldan bastap kıberqylmystardyń aldyn alý maqsatynda Jetisý oblysynyń prokýratýrasy, Polısııa departamenti, «Qazaqtelekom», «Qaınar-Medıa» JShS jáne «Mobaıl Telekom-Servıs» JShS arasynda úsh yntymaqtastyq týraly memorandýmǵa qol qoıyldy.
Negizgi maqsat — ınternet-qylmystardyń aldyn alý, anyqtaý jáne jolyn kesý, sondaı-aq turǵyndardyń sıfrlyq saýattylyǵyn arttyrý.
Profılaktıkalyq jumystarǵa «Jasqyran» stýdenttik jasaǵynyń músheleri, «Lider KZ» eriktileri, «QosQanatJetisý» qoǵamdyq birlestigi men blogerler belsendi túrde tartylyp keledi.
Turǵyndarǵa arnalǵan eskertý sıpatyndaǵy beınematerıaldarǵa aparatyn QR-kodtary bar arnaıy jadynamalar ázirlendi. Qoǵamdyq oryndarda 58 myńǵa jýyq jadynama men broshıýra taratyldy.
Internet keńistigin monıtorıngteý barysynda 1000-ǵa jýyq alaıaqtyq saıt anyqtalyp, buǵattaldy. Sonymen qatar jyl basynan beri kıberpolısııa qyzmetkerleri 10 adamnan turatyn eki dropperler tobyn ustady. Sotqa segiz qylmystyq is joldandy.
«Internet-alaıaqtar azamattardy aldaýdyń tásilderin únemi ózgertip otyrady. Sondyqtan bizdiń basty mindetimiz — mundaı qylmystardy ashýmen qatar, olardyń aldyn alý. Búginde profılaktıkaǵa, turǵyndardyń sıfrlyq saýattylyǵyn arttyrýǵa jáne alaıaqtyq shemalardy jedel anyqtaýǵa erekshe kóńil bólinýde. Azamattardy saq bolýǵa, jeke derekteri men bank rekvızıtterin bógde adamdarǵa bermeýge shaqyramyz», dep atap ótti kıberpolısııa qyzmetkerleri.
Polısııa Jetisý oblysynyń turǵyndaryn sıfrlyq qaýipsizdik talaptaryn saqtaýǵa jáne jeke ári banktik málimetterin bógde adamdarǵa bermeýge shaqyrady.
Aıta keteıik, Mádenıet jáne aqparat mınıstrligi múddeli memlekettik organdarmen birlesip jazǵy kezeńde balalardyń qaýipsizdigin arttyrý boıynsha 59 pýnktten turatyn arnaıy medıa jospar ázirledi.
