О́z sózinde memleket basshysy halyqaralyq kórmeniń uıymdastyrylý jumysyna joǵary baǵa berip, Qazaqstanmen jemisti baılanys ornaǵandyǵyn atap ótti.
- Túrikmenstan baýyrlas Qazaqstanmen birqatar sátti jobalardy júzege asyryp keledi, solardyń qatarynda men Qazaqstan-Túrikmenstan- Iran baǵytyndaǵy temir jol qurylysyn atap aıtar edim, - dedi G.Berdimuhamedov.
Túrikmenstan ulttyq pavılony EKSPO-2017 kórmesine kelýshilerge eldiń janarmaı-energııa salasyn tanystyrady. Pavılonda josparlanyp otyrǵan birneshe jobalardyń úlgisi ornalastyrylǵan.
Máselen, josparǵa alynǵan gelıokeshende jaıylatyn maldyń tezegin qurylǵy bıogazǵa óńdeıdi. Osylaısha, gaz tárizdi otyn óndirilmek. Sonymen qatar, Túrikmenstan bıligi avtonomdy qaldyqsyz ósimdik, qus jáne jylyjaıda qozyquıryq ósirýge arnalǵan bıoakkýmýlıatorly gelıobıologııalyq keshen salý isin júzege asyrmaqshy.
Keshende qaldyqtar men shyǵarynda gazdar da tolyǵymen paıdalanyp iske jaratý kózdelgen.
Túrikmenstan engizip otyrǵan taǵy bir jańalyq - paıdaly áser koeffısıenti joǵary biriktirilgen elektr týdyrýshy stansııa - bý-gazdy elektr stansa kesheni. Bul elektr stansasy quramynda 4 gaz jáne 2 bý týrbınalary sondaı-aq, 4 kádege jaratýshy qazandyq bar. Bılik esebinshe, mundaı elektr stansasy jyl saıyn mıllıardtan astam tekshe metr tabıǵı gazyn únemdeýge septigin tıgizip, býǵa aınalýshy gaz qaldyqtaryn 3 mln tonnadan artyq tómendetýge yqpal etedi.
Budan ózge pavılonda ulttyq naqyshtaǵy taýarlar men elektr energııasynyń damý tarıhynan syr shertetin ashyq aspan astyndaǵy mýzeı túrindegi 100 jyldyq Gındıkýsh sý elektr stansasynyń maketi qoıylǵan. Qazirgi ýaqytta stansada 100 jyl buryn ornatylǵan qurylǵylar men buıymdar áli kúnge deıin qoldanylyp keledi. Olar sý týrbınalary, osy ýaqytqa deıin aqaýsyz qyzmet etip kele jatqan sıgnal shamdary, túrli ólshemdegi kiltter jáne kóshe shamdary.
