Foto: Ashyq derekkóz
Densaýlyq saqtaý salasynyń mamandarynyń habarlaýynsha, eldegi epıdemıologııalyq jaǵdaı baqylaýda. Qyzylshaǵa qarsy vaksınasııa Ulttyq profılaktıkalyq egý kúntizbesine sáıkes barlyq óńirde josparly túrde júrgizilip jatyr.
«Elimizde qyzylshanyń aldyn alý úshin qyzylshaǵa, qyzamyqqa jáne epıdemııalyq parotıtke qarsy biriktirilgen vaksına qoldanylady. Bul vaksına 10 jyldan astam ýaqyt boıy 1 jas jáne 6 jastaǵy balalarǵa josparly ımmýndaý aıasynda salynyp keledi. Mamandardyń aıtýynsha, preparat ózin qaýipsiz ári tıimdi qural retinde dáleldegen. Sonymen qatar atalǵan vaksına álemniń kóptegen elinde keńinen paıdalanylady», delingen vedomstvo habarlamasynda.
Endi qyzylshaǵa qarsy vaksına mindetti: Astana aýrýhanalaryna bala qabyldaý erejesi ózgerdi
Vaksına óndirisi Dúnıejúzilik densaýlyq saqtaý uıymy tarapynan sertıfıkattalǵan. Bul onyń halyqaralyq sapa, qaýipsizdik jáne tıimdilik standarttaryna saı ekenin rastaıdy.
Qazirgi tańda Qazaqstanda osy vaksınany qoldanýǵa baılanysty erekshe asqynýlar nemese ádetten tys reaksııalar tirkelmegen.
Mamandar turǵyndardy tek resmı aqparat kózderine senýge jáne jalǵan málimetterge ermeýge shaqyrady.
Qazaqstanda vaksına alýdan bas tartqandar sany 3,8 esege ósti
