Bolat Taǵabaı - álemdegi eń kóp asyq jınaǵan ári ulttyq oıyndy nasıhattaýshy retinde álemdik Gınnestiń rekordtar kitabyna engen qazaq. ShQO-nyń Tarbaǵataı aýdanyndaǵy Yrǵyzbaı áýlıe murajaıynyń dırektory.
Avtor alyp asyqty qurastyrýǵa alty aı ýaqyt jumsaǵan. Aldymen elý myń asyqty jýyp keptirýge eki aı, odan sym temirmen konstrýktor músinin toqýǵa taǵy eki aı ketti. Avtor alyp asyǵyn aldaǵy kúnderi jumys saparymen О́skemenge barǵaly otyrǵan Elbasyǵa syıǵa tartýdy kózdep otyr.
«О́zimniń jáne otbasymnyń atymnan Elbasyǵa syıǵa tartamyn dep sheshtim. Alyp asyqty saltanatty túrde tabystaǵan soń Astanaǵa jetkiziledi. Ázirge onyń naqty qaı jerge ornatylaty belgisiz. Tek jabyq ǵımarattyń ishine qoıylsa ıgi. Sondaı-aq asyqtyń janynda sýretke túsetin alań men asyq oınaıtyn shaǵyn bolsa da alańqaı bolsa degen tilegim bar», - deıdi B.Taǵabaı.
Onyń aıtýynsha, elimizge kelgen sheteldik týrısterge qazaqtyń ulttyq qundylyqtaryn pash etetin osyndaı dúnıeler kóp bolý kerek.
«Aldaǵy úsh aıda dúıim jurttyń nazary Astanaǵa aýady. Bul qazaqty álemge tanytýdyń bir joly. Imıdjdik dúnıe dep ataýǵa da bolady. Alyp asyǵym EKSPO-ǵa kelgen qonaqtardyń kózaıymyna aınalady dep senemin», - dedi alyp asyqtyńavtory.
Aıta keteıik, B.Taǵabaıdyń asyq jınap bastaǵanyna 16 jyl bolǵan. Búginde onyń qorjynynda 100 myńǵa jýyq asyq bar. Onyń 50 myńynan elordaǵa kelgeli otyrǵan alyp asyq qurastyryldy. Bul degenimiz 25myń qoımen para-par.
