XX ǵasyrdyń basynda qazaq dalasynda Qarqaraly petısııasy qabyldanǵan bolatyn. Onyń túpkilikti maqsaty patshalyq Reseıdiń otarshyldyq júıesine qarsy turý edi, –dedi Muhtarbek Kárimov, –osy petısııanyń basynda Álıhan Bókeıhanovtaı dara tulǵa turdy. Ult-azattyq qozǵalystyń jańa mazmunǵa ıe bolýynyń taǵy bir kórinisi qazaqtardyń Reseıdiń memlekettik dýmasyna qatysýyn aıtýǵa bolady. Semeı oblysy qazaqtarynyń atynan Á.Bókeıhanov I memlekettik dýmaǵa depýtat bolyp saılanǵany barshaǵa máshhúr. Sol sátterde ol óziniń saıası kóregendiligin kórsetti.
Budan soń Shákárim atyndaǵy memlekettik ýnıversıtettiń qazaq tili jáne ádebıeti kafedrasynyń professory, fılologııa ǵylymdarynyń doktory Arap Espenbetov «Rýhanı týystyq» taqyrybyna oraı, Álıhan men Sultanmahmut jaıly aıtty. Sondaı-aq, konferensııada «Alashordashylar kótergen til máseleleri» baǵytymen S.Amanjolov atyndaǵy Shyǵys Qazaqstan memlekettik ýnıversıtetiniń dosenti, fılologııa ǵylymdarynyń kandıdaty Berdibek Bııarov, «Til - halyq rýhynyń jady» máselesi boıynsha Qazaq ınnovasııalyq gýmanıtarlyq-zań ýnıversıteti Gýmanıtarlyq fakýltetiniń dekany, fılologııa ǵylymdarynyń doktory, professor Shynar Seıitovalar baıandama jasady.Konferensııa aıasynda arnaıy kórme de jurtshylyq nazaryna usynyldy. Osy jaılardyń barlyǵy kórmede derekter arqyly baıandaldy.
Raýshan Nuǵmanbekova
Semeı
Sýretterdi túsirgen avtor
