О́tken jylǵy jumys pen bolashaq josparlar baıandaldy

Jıyn barysynda mınıstr vedomstvonyń ótken jylǵy qyz­meti jáne bolashaq josparlary týraly baıandap, san túrli saýaldarǵa jaýap berdi. 
M.Beketaev baıandama bary­syn­da sońǵy jyldary sa­la­ǵa qatysty birqatar shara qa­byl­danǵanyn tilge tıek etti. Olar­dyń ishinde ulttyq zań­na­many qa­lyp­tastyrý, qu­qyq­tyq qyz­met kórsetýdi uıymdastyrý, zı­ıa­tkerlik menshik quqyǵyn qor­­ǵaý salasynda memlekettik saıa­satty júzege asyrý, atqa­rý­shy­lyq óndiristi qam­ta­masyz etý, sot-saraptama qyzmetin uı­­ym­dastyrý sııaqty mańyzdy má­seleler bar. 
Mınıstr eseptik kez­de­­sý­ler­diń dástúrli pishi­min óz­gertip, óz baıa­ndamasyn 3 topqa bólip, túr­li má­se­­le­ler­­di qarastyrý boı­yn­­sha ha­lyq tarapynan saýal tyń­­daý­dy usyndy. Al óz ba­ıan­­da­­­masynyń birinshi toptama­syn norma shyǵarýshylyq já­ne mı­nı­strliktiń memleket múdde­le­rin shetelde qorǵaý qyzmetine ar­­nady. Ol 2016 jylǵy zań shy­ǵa­rýshylyq jumys jospary tolyǵymen oryndalǵanyn atap ótti. 
Parlamentke 18 zań jobasy engizildi. Prezıdenttiń jáne Úkimettiń tapsyrmasy boı­yn­sha byltyrǵy jyly jos­pardan tys 13 zań jobasy ázirlenip, Parlamentke en­gi­zildi. Depýtattardyń bastamasy­men 7 zań jobasy ázirlendi. Ony ázirleýden basqa Ádilet mınıstrligi barlyq normatıvtik- quqyqtyq aktilerge zań saraptamasyn júrgizdi. Belgili bir NQA maz­mu­nymen azamattar «Ashyq NQA» portalynda tanysýǵa já­ne usynystar berýge múm­kin­­­dik alǵanyn aıta ketken jón. Ádi­­­l­et mınıstrligi zań jobasy qyz­­­metiniń aıqyndyǵyna jáne qo­ǵamnyń aldynda barynsha ashyq bolýǵa tyrysady», dedi mınıstr. 
Sondaı-aq, ol byltyrǵy jyl­dyń qazan aıynan bastap Zań jobalaý qyzmeti máseleleri jó­nin­degi vedomstvoaralyq ko­mıs­sııasynyń otyrystary BAQ qa­tysýymen, al bıylǵy jyl­dyń sáýir aıynan bastap oty­rys­tar vedomstvonyń saıtynda ti­keleı efırde ótip júr­genin málimdedi. «VAK múshe­le­riniń aldynda esep bergen soń baıan­da­mashylar jýrnalısterdiń su­raq­taryna jaýap beredi. Budan basqa, Ádilet mınıstrligi halyqqa zań jáne basqa da qu­jat­tardyń mátinderine «NQA eta­londyq banki» jáne «Ádilet» AQJ arqyly úzdiksiz tegin qol jetkizýdi qamtamasyz etedi», dedi ol. 
Vedomstvo basshysy ba­ıan­­­da­masynyń ekinshi topta­ma­sy konstıtýsııalyq re­for­­manyń iske asyrylýy jó­ninde, sondaı-aq Ádilet mı­nı­strliginiń júrgizip jatqan re­formalaryna baılanys­ty boldy. Jáne de bizdiń mı­nı­strlik zııatkerlik menshik obektileri quqyǵyn qorǵaýdy jetildirýge baǵyttalǵan sharalar qabyldaýda, dedi máselege qatysty sózinde M.Beketaev. 
Ádilet mınıstrligi úshin negizgi problemalardyń biri − advokattardyń jetkiliksizdigi. Vedomstvo kórsetilgen prob­le­manyń birtindep sheshilýin jos­parlap otyr. 
Kelesi jyly biz kúrdeli, bi­r­aq qajetti advakatýra jáne no­­tarıat ınstıtýttarynyń re­for­malaýyna kóshemiz, dedi mı­nıstr.
Baıandamanyń úshinshi toptamasy qabyldanǵan zańdardyń aıasynda ótkizilgen jumysqa, atap aıtqanda, sot aktilerin oryndaý jáne sot saraptamasy salalaryna arnalady. Jeke sot oryndaýshylar ınstıtýty engizilgeli 4,5 myńnan astam lısenzııa berildi. Qabyldanǵan sharalardyń arqasynda jeke sot oryndaýshylar respýblıkanyń bar­lyq aýmaqtarynda, tipti aý­dandarynda qyzmet etip otyr. Azamattardyń erekshe qı­yn­dyqqa túsken sátterdiń biri be­reshektiktiń kesirinen el aý­ma­-
ǵynan shyǵýǵa múm­kin­dik­tiń bolmaýy boldy. Keı­bir kezderde qandaı sebeppen tyı­ym salynǵany jóninde aza­mat­tardyń ózderi de bilmedi. Bul máseleni sheshý maqsatynda mı­nıstrlik «Qazposhta» AQ-pen bir mezette tyıym salý aly­natyn termınaldardy en­gi­zý boıynsha jumystar at­qa­rýda. Mundaı termınaldar Qazaqstannyń bes qalasynda, dálirek aıtsaq, Astana, Almaty, Qaraǵandy, Aqtaý, Shymkentte ornatylyp, testileý rejiminde qyzmet etýde. Jyl ishinde olardy eldiń barlyq áýejaılarynda iske qosýdy josparlap otyrmyz, dedi M.Beketaev. 
Mınıstr kezdesýge kelgen azamattardyń, beıne­kon­­fe­ren­sııa­lyq baılanys ar­qyly eldiń basqa aı­maq tur­ǵyn­da­rynyń jáne mı­nı­str­lik­tiń saıtyna kelip túsken su­raq­ta­ryna jaýap berdi. 

Raýan QAIDAR,
«Egemen Qazaqstan»