Rejısser Qýandyq Qasymov qoıǵan Evrıpıdtiń «Medeıa» spektakli Reseıdiń halyq ártisteri men óner maıtalmandarynan quralǵan qazylar alqasynyń kóńilinen shyqqan.
«Festıvalde alty teatr óner kórsetti. Spektakl ashyq aspan astynda ótti. Teatr ujymyna umytylmas áser syılaǵan sapardan júldemen oralǵanymyzǵa qýanyshtymyz. Aldaǵy jyly bizdiń teatrdyń qurylǵanyna 80 jyl tolady. Mereıli dataǵa daıyndyqty bastap kettik. Jaqynda Astanadaǵy «EKSPO-2017» halyqaralyq kórmesine baryp, Iran-Ǵaıyptyń «Súıinbaı» dramasyn sahnalaımyz», – deıdi teatr dırektory Berik Jámenov.
Qazir óner ujymy taǵy bir dodaǵa daıyndalyp jatyr. Aldaǵy qyrkúıek aıynda AQSh-tyń Nıý-Iork, Vashıngton qalalarynda ótetin halyqaralyq festıvalde Atyraý teatry da baq synaıtyn bolady.
Baqytgúl BABASh,
«Egemen Qazaqstan»
Foto: Erlan Altybaev.
ATYRAÝ
