«Qorǵas» – qos eldiń seriktestik kópiri

«Qorǵas» HShYO» AQ prezıdenti Q.Djazınniń aıtýynsha, bul joba kóp formatty transshekaralyq ynty­maq­tastyqtyń tabysty at­qa­rylyp jatqandyǵyn ań­ǵar­tady. Or­talyq saıası, saý­da-eko­no­mı­kalyq, ǵy­lymı-teh­nı­ka­lyq, gýmanıtarlyq-má­denı sa­la­lar­daǵy tıimdi ynty­maq­tas­tyqty damytýdyń zor ále­ý­etine ıe.
Eki el shektesetin sheka­ra­lyq óńirde ynty­maq­tastyq aımaǵyn ashý bastamashylyq ıdeıa­sy Qazaqstan Pre­zı­­dentiniń 2002 jylǵy jel­toqsanda Qytaıǵa sapary barysynda týyndaǵan bolatyn. Sol kezde jańa for­mattaǵy ózara tıimdi saýda-sat­tyq pen ınvestısııalyq ynty­maq­­tastyqtyń alǵy sharttary ja­salǵan edi. «Qazirgi tańda «Qorǵas» kópsalaly hab retinde ta­nymal. Onyń quramynda temir jol, avtojol ótkelderi, áýe tasymaly, gaz qubyry, týrıstik saıahat múmkindikteri qarastyrylǵan. «Qorǵas – Shyǵys qaqpasy» AEA jedel qurylysymen birge «Nurly jol» baǵdarlamasy «Jibek joly ekonomıkalyq beldeýi» tujyrymdamasy birlesken túrde júzege asyrylýda. Biz birlesken jobalardy atqara otyryp, óza­ra qoldasyp, ınnovasııalyq jáne mádenı damýdy, ór­kendeýdi qamtamasyz etýdi maqsat etemiz», deıdi Qorǵas qalasynyń meri Mýral Ábilmájın.
Basqosýda qatysýshylar «Qorǵas» HShYO» ónerkásip jáne kóliktik áleýetimen tanysty. Dástúrge aınalǵan Qazaqstan – Qytaı tusaýkeser rá­si­mi birqatar turaqty ınves­torlar men kásipkerlerdiń nazaryn aý­dardy.