Ýaqyt talabyna jaýap beretin qujat

Tujyrymdamanyń basty maqsaty – Qazaqstan Respýblıkasyndaǵy zaıyrlylyq qa­ǵı­dattaryn nyǵaıtý. Sondaı-aq, tujyrymdama jo­basynyń negizi qazaqstandyqtardyń dinı se­nim bostandyǵyn, dindi ustaný nemese ustanbaý quqyǵyn qamtamasyz etý bolyp tabylady.
Qujat qoǵamymyzda is júzinde ornyqqan kon­­­fes­sııaaralyq kelisimdi nyǵaıtý ba­ǵy­tyn­daǵy mem­­lekettik-konfessııalyq qa­ty­nas­tarǵa al­­da­ǵy ýaqytta óziniń eleýli úlesin qosa oty­ryp, din­di destrýktıvti maqsattarda qol­da­ný­ǵa jol ber­meýge septigin tıgizetindigine se­nim­dimiz. 
Qujatta memleket saıasatynyń din sala­syn­daǵy ustanymy, strategııalyq maqsattary men ba­ǵyttary aıqyn kórsetilgen. Atalǵan qujat jobasy birqatar sarapshylar men dintanýshy mamandardyń, sonymen qatar, azamattyq qoǵam ınstıtýttary ókilderiniń talqylaýynan ótken.
Tujyrymdamada elimizde dinı bilim berý tár­tibin retteý, jasóspirimderdi dinı qyz­metke zań­syz tartýǵa jol bermeý, dinı áde­bı­etterdi ta­ratý tártibin jetildirý jáne t.b. máselelerdi sheshý joldary qarastyrylǵan. Dindi ustanatyn azamattarymyzdyń dinı rásimderdi júzge asyrýyna qolaıly jaǵdaı jasaý tetikteri de qamtylǵan.
Ásirese, bizge zaıyrlylyq qaǵıdattaryn hal­qymyzdyń ómir súrý saltyna aınaldyrý maq­satynda memlekettik basqarý men mem­le­ket­tik qyzmet, quqyq qorǵaý, arnaıy qyz­met pen qarýly kúshter, buqaralyq aqparat quraldary, bilim berý, densaýlyq saqtaý, mádenıet pen sport salalaryn jumyldyra otyryp, Tu­jy­rymdama negizinde elimizde áleýmettik-eko­no­mıkalyq jáne otbasy ınstıtýtynyń má­se­le­lerin sheshýdi kózdeıtin memleket pen dinı bir­lestikterdiń qarym-qatynasyna jaǵdaı j­asalatyndyǵy bizge qulshynys týǵyzyp otyr.
Atalǵan qujat boıynsha din salasyndaǵy mem­lekettik saıasat iske asyrylmaq, dinı bir­les­tiktermen ózara qarym-qatynas damytylmaq, aza­mattardyń dinı senim bostandyǵy qam­ta­ma­syz etilmek. Sonymen qatar, memleket pen aza­mattyq qoǵam arasynda ózara árekettesý mo­deli qalyptasyp, zaıyrlylyq qaǵıdattary nyǵaıa túspek.

Jalǵas SANDYBAEV,
dintanýshy