– О́tken jyly tomografty merzimdik jóndeý jumystary júrgizildi, – dedi «Shıpager» kompanııasynyń dırektory Denıs Podgaınov. – Bul «Siemens» fırmasynyń apparaty. Naryqta mundaı qurylǵylardy jóndeý óte qymbatqa túsedi. Bizdiń ortalyqta osy sekildi jabdyqty jóndeý jáne jetkizý tájirıbesi bolǵandyqtan jóndeý jumystary arzanǵa tústi. Tomograf eki apta buryn qaıta iske qosyldy. Qysqa ýaqyt aralyǵynda 300-ge jýyq adam zertteýden ótti. Atalǵan apparattyń 10 jyldyq qyzmeti barysynda dárigerler Qaraǵandy oblysynyń 30 myńnan astam turǵyndaryna dıagnoz qoıyp úlgergen. Tomograftyń shyqqan merzimi onyń jumys sapasyna áser etpeıdi, – dep túsindirdi Denıs Podgaınov. – Onda turaqty magnıt ornatylǵan. Ol 30 jyl aralyǵynda magnıt órisin saqtap turady. Sondyqtan keskinde eshqandaı aqaý bolmaıdy.
Qazir qaıta qalpyna keltirilgen MRT apparaty Ońtústik-Shyǵys shaǵyn aýdanyndaǵy №5 emhanada naýqastardy zertteý úshin qoldanysqa berilgen.
Mıras ASAN,
«Egemen Qazaqstan»
Qaraǵandy oblysy
