Sambo
Sambo sportynan Qazaqstan ulttyq quramasy erler men áıelder arasyndaǵy sporttyq jáne áskerı sambo boıynsha Qazaqstan Respýblıkasy Prezıdentiniń júldesine arnalǵan Álem kýbogynda top jardy.
Jarysty EKSPO-2017 kórmesi aıasynda Halyqaralyq sambo federasııasy uıymdastyrdy. Prezıdent kýbogyna álemniń 16 elinen 200-den astam sportshy qatysqan. Jalpy, komandalyq esepte 13 altyn, 12 kúmis, 29 qola medalmen Qazaqstan ulttyq quramasy birinshi oryn alyp, kýbok ıegeri atandy. Ekinshi oryndy Grýzııa ıelense, Reseı quramasy úzdik úshtikti qorytyndylady.
Tennıs
Qazaqstandyq tennısshiler Londonda ótip jatqan Ýımbldon-2017 «Úlken dýlyǵa» týrnırindegi joryǵyn aıaqtady. Qyzdar arasynda Qazaqstannyń úshinshi nómirli tennısshisi Zarına Dııas úshinshi aınalymǵa deıin jetse, elimizdiń birinshi raketkasy Iýlııa Pýtınseva latvııalyq Anastasııa Sevastovadan birinshi aınalymda-aq utylyp qalǵan bolatyn.
Erler arasyndaǵy básekede Mıhaıl Kýkýshkın alǵash japonııalyq tennısshi Danıelıa Taromen tórt set oınap, 4:6, 6:4, 7:6, 6:2 nátıjesimen jeńiske jetse, ekinshi aınalymda álemniń nómiri 30-raketkasy germanııalyq Mısha Zverevten utylyp qaldy. Al Aleksandr Býblık týrnırdiń birinshi aınalymynda álemniń birinshi raketkasy brıtanııalyq Endı Marreıden utylyp, jarysty erte aıaqtaǵan edi.
Kúres
Qazaqstandyq balýandar kúres túrlerinen Polshada ótken halyqaralyq týrnırden júldeli oraldy. Erkin kúresten 57 kıloda kúresken balýan Nurıslam Sanaev týrnırdiń chempıony atandy. Atalǵan jarysta Sanaevtyń biryńǵaı qazaqstandyq palýandarmen beldesýine týra keldi. Olar: Ǵabıt Tólepbaı, Ernur Qabataev, Jandos Ysmaıylov. Nátıjesinde, 57 kg salmaqta kúmis júldeni Jandos Ysmaıylov ıelense, Ǵabıt Tólepbaıǵa qola júlde buıyrdy. Sondaı-aq, Azamat Dáýletbekov (86 kg) pen Ermuhamed Ińkár (125 kg) qola júldege ıe boldy.
Álı BITО́RE,
«Egemen Qazaqstan»
