Búgingi kúni qoǵamda din máselesine qatysty materıaldar jarııalaýda túsinispeýshilikterge jol bermeý jáne din máseleleri boıynsha aqparattyq jumysty jańǵyrtý maqsatynda oblystyq ishki saıasat basqarmasynyń uıymdastyrýymen «Din salasyndaǵy memlekettik saıasattyń prınsıpteri» taqyrybynda semınar ótti. Semınardy basqarma basshysynyń orynbasary Daýyl Beısenqulov ashyp, júrgizip otyrdy.
О́z sózinde oblystyq din problemalaryn zertteý ortalyǵynyń bólim basshysy Erzat Jaqypov aqparattyq alańda dinı taqyryptardy jasandy túrde qozdyrýǵa jol bermeýdiń mańyzdylyǵyn aıtty. Sonymen qatar, oblystyq ortalyq «Hıbatýlla Tarazı» meshitiniń naıb ımamy Ǵalymbek Jápek buqaralyq aqparat quraldarynda dinı taqyryptardy jarııalaýdyń máselesin retke keltirý jaıyna toqtaldy. Sondaı-aq semınar barysynda destrýktıvti dinı saıttardy jáne áleýmettik jelilerdegi jarııalanymdardy buǵattaý sharalaryn iske asyrý barysy da sóz boldy. «Buqaralyq aqparat quraldarynda dinı taqyryptarǵa baılanysty máselelerdi jarııalaýdy kásibılendirý talap etiledi. Bul úshin dinı taqyryptardy jarııalaýǵa tek daıyndyǵy bar jýrnalısterdi tartqan jón», dedi óz sózinde Daýyl Yntyqbaıuly.
Hamıt Esaman,
«Egemen Qazaqstan»
