Kezdesý jańa Konstıtýsııa jobasynyń mańyzyn jáne onyń zııatkerlik ári ınnovasııalyq ult qalyptastyrýdaǵy rólin talqylaýǵa arnaldy.
«Bilim, ǵylym jáne ınnovasııa resmı túrde el damýynyń negizgi resýrstary men qozǵaýshy kúshterine aınalyp, ekonomıkalyq ósýdiń jańa modelinde sheshýshi oryn alady. Bul tabıǵı resýrstarmen, ónerkásippen jáne basqa da ekonomıkalyq salalarmen qatar adamı kapıtal sapasy, onyń jahandyq ekonomıkalyq daǵdarystar men geosaıası turaqsyzdyq kezeńindegi básekege qabilettiligi aldyńǵy qatarǵa shyǵatynyn bildiredi», dep atap ótti Aıda Balaeva.
Ol jańa Konstıtýsııa jobasy azamattardyń ál-aýqatyn arttyrýǵa jáne adam quqyqtary eń joǵary qundylyq retinde aıqyndalǵan turaqty memleket qurýǵa baǵyttalǵanyn aıtty. Sıfrlandyrý men tehnologııalyq ózgerister jaǵdaıynda ǵylymı ázirlemeler men eldiń zııatkerlik áleýetin damytý erekshe mańyzǵa ıe bolmaq.
Ǵylym jáne joǵary bilim mınıstri Saıasat Nurbektiń aıtýynsha, Memleket basshysy bastamashy bolǵan konstıtýsııalyq reforma Qazaqstannyń damý modelin túbegeıli jańǵyrtyp, onyń negizine adamı kapıtaldy qoıady.
«Búginde negizgi resýrs – shıkizat ta, ınfraqurylym da emes, azamattardyń zııatkerlik áleýeti, olardyń bilimi men quzyreti, tehnologııa jasaý qabileti. Bizdiń mindetimiz – qabyldanǵan ózgeristerdiń formaldy oryndalýyn emes, olardy Ádiletti Qazaqstan qurý múddesine saı tolyq ári júıeli júzege asýyn qamtamasyz etý», dedi mınıstr.
Kezdesý barysynda Ulttyq ǵylym akademııasynyń vıse-prezıdenti Asqar Jumadildaev, Fılosofııa, saıasattaný jáne dintaný ınstıtýtynyń bas dırektory Aıgúl Sádýaqasova, Qazaqstan Respýblıkasy Prezıdentiniń janyndaǵy Ulttyq ǵylym akademııasynyń akademıgi Vıacheslav Lokshın, Abaı atyndaǵy Qazaq ulttyq pedagogıkalyq ýnıversıtetiniń rektory Bolat Tlep, ál-Farabı atyndaǵy Qazaq ulttyq ýnıversıtetiniń rektory Janseıit Túımebaev ǵylym men bilimge konstıtýsııalyq deńgeıde basymdyq berýdiń mańyzyn atap ótti.
Jańa Konstıtýsııa jobasy boıynsha referendýmǵa qansha qarajat jumsalady?
«Bul referendým – el damýynyń asa mańyzdy kezeńi. Azamattardyń sanaly tańdaýy quqyqtyq júıeni nyǵaıtýǵa jáne memlekettik ınstıtýttarǵa degen senimdi arttyrýǵa yqpal etedi. Sondyqtan ǵylymı qaýymdastyqtyń qoǵamdyq dıalogqa qosar úlesi erekshe mánge ıe», dep qorytyndylady Aıda Balaeva.
Kezdesý sońynda qatysýshylar respýblıkalyq referendýmǵa belsendi qatysýdyń eldi jańǵyrtý men onyń zııatkerlik áleýetin nyǵaıtýdyń mańyzdy qadamy ekenin atap ótti.
Jańa Konstıtýsııa jobasy boıynsha referendýmda qansha adam daýys bere alady?
